وفاقی وزارت پانی وبجلی نے چار بڑے سرکاری پاور ہاؤسز کو ناکارہ قراردیکر بند کر دیا

0
33
وفاقی وزارت پانی وبجلی نے چار بڑے سرکاری پاور ہاؤسز کو ناکارہ قراردیکر بند کر دیا

ملک کے چار بڑے سرکاری پاور ہاؤسز کو بند کردیا گیا-

باغی ٹی وی : تفصیلات کے مطابق وزارت پانی وبجلی کے فیصلوں کے باعث چار بڑے سرکاری پاور ہاؤسز کو بند کردیا گیا –

پاکستان میں مختلف سیاسی ادوار میں بلین ڈالرز کے قرضوں سے بجلی پیدا کرنے کے کئی منصوبے بنائے گئے جن میں جامشورو، لاکھڑا، کوٹری، مظفر گڑھ، گڈو پاور ہاؤسز شامل ہیں جو 4 ہزار سے زائد میگاواٹ بجلی پیدا کرنے کی صلاحیت رکھتے تھے تاہم وفاقی وزارت پانی وبجلی نے پاور ہاؤسز کو فنی خرابی یا انہیں ناکارہ قرار دے کر بند کردیا ہے-

جبکہ حکومت کے ریکارڈ میں پاور ہاؤسز کو فعال قرار دیا گیا ہے-

تاہم ایک جانب تو پاور ہاؤسز کو بند کیا جارہا ہے تو دوسری جانب بند کیے گئے جامشورو پاور ہاؤس کے اندر ہی کئی بلین ڈالر کی لاگت سے کوئلے کے ذریعے بجلی پیدا کرنے کے منصوبہ پر بھی کام جاری ہے۔

جامشورو تھرمل پاور ہاؤس کے سی ای او نے اس بارے میں بات کرنے سے انکار کر دیا ہے لیکن ایک سینئر افسر کا مؤقف ہے کہ پبلک سیکٹر کے پاور ہاؤسز کو بند کرکے نجی شعبے کو تیل گیس فراہم کرکے بجلی کیوں خریدی جارہی ہے سپریم کورٹ اس کا از خود نوٹس لے کر اصل حقائق معلوم کرے۔

واضح رہے کہ ان میں ایسے پاور ہاؤسز بھی شامل ہیں جن کی استعداد بڑھانے کے لیے ملین ڈالرز کی ایڈ دی گئی ہیں-

Leave a reply