کابل:افغان طالبان نے آئی پی ایل کے میچز دکھانے پر پابندی عائد کردی ،اطلاعات کے مطابق بھارت کی افغانستان میں‌ شرارتوں ، سازشوں اور افغانوں کے قتل عام سے تنگ آکر افغان طالبان نے افغانستان میں انڈین پریمیئر لیگ (آئی پی ایل) کے میچز دکھانے پر پابندی لگادی۔

آئی پی ایل کا 14 واں سیزن متحدہ عرب امارات میں جاری ہے جس میں کئی غیرملکی کھلاڑی بھی شریک ہیں۔ طالبان نے افغانستان پر کنٹرول کے بعد آئی پی ایل کی نشریات پر پابندی عائد کردی ہے۔

 

افغان کرکٹ بورڈ کے سابق میڈیا منیجر ابراہیم مومند نے ٹوئٹ میں بتایا کہ طالبان نے قومی ٹی وی پرآئی پی ایل کے میچز دکھانے پر پابندی لگادی ہے۔

اس کے علاوہ افغان صحافی انیس الرحمان نے بھی ٹوئٹ کرتے ہوئے کہا کہ افغان اسپورٹس چینل آر ٹی اے اسپورٹس ٹرانسمیشن کیلئے فیس بھی ادا کرچکا ہے۔

 

تاہم اس حوالے سے طالبان کی جانب سے کوئی بیان سامنے نہیں آیا ہے۔

ادھر اس حوالے سے سوشل میڈیا پر بہت زیادہ افغان طالبان کے اس فیصلے کو سراہا جارہا ہے ،دوسری طرف اس وقت بھارت میں ماتم بچھا ہوا ہے اوربھارتی قوم اس وقت اپنی رسوائی پرڈھٹائی کے ساتھ پاکستان پرالزام تراشی کرنے میں حسب روایت مصروف ہے

Comments are closed.