مودی کے ہاتھ میں ایٹمی ہتھیار،90 لاکھ کشمیریوں کی زندگی خطرے میں،وزیراعظم عمران خان

وزیراعظم عمران خان نے کہا ہے کہ 90 لاکھ کشمیریوں کی زندگی خطرے میں ہے، مودی کے ہاتھ میں ایٹمی ہتھیاروں کی حفاظت کا دنیا نوٹس لے

باغی ٹی وی کی رپورٹ کے مطابق وزیراعظم عمران خان نے کہا کہ بھارت پرفاشسٹ ہندوؤں نے جرمن نازیوں کی طرح قبضہ کر لیا ، مقبوضہ کشمیرمیں محصور 90 لاکھ کشمیریوں کی زندگی خطرے میں ہے ،یہ معاملہ نہ صرف خطے بلکہ دنیا پر بھی اثر انداز ہو رہاہے ،دنیا نسل پرست مودی کےہاتھ میں ایٹمی ہتھیاروں کی حفاظت کا نوٹس لے،

وزیراعظم عمران خان کا مزید کہنا تھا کہ مقبوضہ کشمیرکی صورتحال پر دنیا میں خطرے کی گھنٹیاں بجنی چاہییں ،صورتحال پاکستان، بھارتی اقلیت، نہرو اور گاندھی کے بھارت کیلیے بھی خطرناک ہے،نازی نظریے اور آر ایس ایس، بی جے پی کے بانیوں کے نظریات سب جانتے ہیں،40 لاکھ بھارتی مسلمانوں کو حراست اور شہریت کی منسوخی کاسامنا ہے،آر ایس ایس کے غنڈے تباہی مچاتے پھررہے ہیں، نفرت اور نسل کشی پھیلے گی،جن بوتل سےباہرآچکا، دنیا کو نوٹس لینا چاہیے،عالمی برادری اسے روکے.

عمران خان نے مزید کہا کہ ہندو بالادستی کے ایجنڈے پر چلنے والی مودی حکومت، نہ صرف پاکستان بلکہ نہرو اور گاندھی کے ہندوستان کے ہر طبقہ فکر خصوصا اقلیتوں کیلئے خطرہ ہے۔ نازی نظرئیے اور مودی کی بی جے پی اور آر ایس ایس کے نسل کشی پر مبنی ایجنڈے کے مابین تعلق جاننے کیلئے گوگل سے مواد لیا جا سکتا ہے۔

واضح رہے کہ مودی سرکار نے کشمیر میں مزید فوج کی تعیناتی کے بعد مقبوضہ کشمیر کی خصوصی حیثیت ختم کر دی ہے، مقبوضہ کشمیر میں دو ہفتے سے کرفیو نافذ ہے، کشمیریوں کو گھروں سے باہر نکلنے کی اجازت نہیں، بیماروں کو ہسپتال جانے کی اجازت نہیں، انتر نیٹ و موبائل سروس بھی بند کی ہوئی ہے، پاکستان نے بھارت کے ساتھ سفارتی تعلقات منقطع کر رکھے ہیں.

جواب چھوڑیں

آپ کا ای میل ایڈریس شائع نہیں کیا جائے گا.