fbpx

988اشتہاری و عادی مجرمان اورعدالتی مفروران گرفتار

لاہور پولیس آپریشنز ونگ کی اشتہاری مجرمان کے خلاف کارروائیاں جس میں مجموعی طور پر 988اشتہاری و عادی مجرمان اورعدالتی مفروران گرفتار
دیگر اضلاع میں ریڈ کے دوران101اشتہاری مجرمان بھی گرفتار کئے گئے۔ اشتہاری مجرموں کی گرفتاری کے بغیر سنگین جرائم کا خاتمہ ممکن نہیں، ڈی آئی جی آپریشنز ساجد کیانی کا کہنا۔
ڈی آئی جی آپریشنز لاہورساجد کیانی نے کہا ہے کہ لاہور پولیس جدید سائنسی اصولوں اور پیشہ ورانہ مہارت کوبروئے کار لاتے ہو ئے مجرمان اشتہاری کی گرفتاریاں یقینی بنا رہی ہے۔انہوں نے کہا کہ اشتہاری مجرموں کی گرفتاری کے بغیر سنگین جرائم کا خاتمہ ممکن نہیں ہے۔اشتہاری و عادی مجرم شہر کے اکثر سنگین جرائم میں ملوث پائے جاتے ہیں۔اشتہاری مجرمان کی گرفتاری سے جرائم میں کمی لائی جا سکتی ہے۔ڈی آئی جی آپریشنز ساجد کیانی نے تفصیلات سے آگاہ کرتے ہوئے بتایا کہ لاہور پولیس آپریشنز ونگ نے رواں سال ابتک مجموعی طور پر 988اشتہاری و عادی مجرمان اورعدالتی مفروران گرفتار کئے۔ اشتہاری وعادی مجرموں کے خلاف کریک ڈاؤن کرتے ہوئے سنگین مقدمات میں مطلوب693 مجرموں کو گرفتار کیاگیا جبکہ295عدالتی مفروران کو بھی حراست میں لیا گیا۔ساجد کیانی نے بتایا کہ اشتہاری مجرمان قتل، اقدام قتل،ڈکیتی، راہزنی و دیگر سنگین مقدمات میں مطلوب تھے۔گرفتارہونے والوں میں کیٹیگری اے کے146 جبکہ کیٹیگری بی کے842 مجرمان شامل ہیں۔ڈی آئی جی آپریشنز نے ایس پیز، سرکل افسران اور ایس ایچ اوز کو ہدایت کی کہ مجرمان اشتہاری کی گرفتاری کو یقینی بناتے ہوئے اس مہم کو ڈیلی بیس پر خود مانیٹر کریں۔انہوں نے کہا کہ اشتہاری مجرمان کی گرفتاری کے حاصل اہداف ہی پولیس افسران کی مجموعی کارکردگی کا تعین کریں گے۔

جواب چھوڑیں

آپ کا ای میل ایڈریس شائع نہیں کیا جائے گا.