حکومت اگر یہ کام کر لے تو شاباش دوں گا، حمزہ شہباز

باغی ٹی وی کی رپورٹ کے مطابق پنجاب اسمبلی میں قائد حزب اختلاف حمزہ شہبا زنے پنجاب اسمبلی میں میڈیا سے گفتگو کرتے ہوئے کہا کہ پنجاب اسمبلی میں احتجاجاً حلف اٹھانے آئے تھے،حکومتی پالیسیوں کی وجہ سے ہر طبقہ پریشان ہے، عوام حکومت کی معاشی پالیسیوں کا رونا رورہے ہیں،اشیائے خوردونوش کی قیمت6گنا بڑھ گئی ہے،جھوٹ اور کنٹینر کی سیاست حکومت کا وطیرہ بناہوا ہے،

حمزہ شہباز نے مزید کہا کہ حکومت کے لچھن یہی رہے تو ملک اقتصادی طور پر تباہ ہوجائےگا،پی ٹی آئی نے عوام کو سبز باغ دکھائے تھے،عوام پی ٹی آئی کے جھوٹ تلے دفن ہوگئے ہیں،جھوٹ کے پیر نہیں ہوتے،حکومت سے ٹماٹر تک نہیں سنبھالا جاتا،انہیں ٹماٹر کی قیمت تک کا علم نہیں،

حمزہ شہبا زنے مزید کہا کہ نالائقوں کا سدباب نہ کیا تو حکومت کو ناقابل تلافی نقصان پہنچےگا،وزیراعظم نے چند روز قبل موٹروے منصوبے کا افتتاح کیا،پی ٹی آئی سی پیک کی مخالفت کرتی تھی،دوائیاں، سبزیاں ، پھل سب کی قیمتیں چھ گنا بڑھ گئی ہیں،ملوں کارخانوں میں ملازمت پیشہ طبقہ تاجر سب معیشت کا رونا رو رہے ہیں،اگر یہ حکومت ن لیگ کی پرفارمنس کا 25 فیصد بھی کرلےتو شاباش دوں گا،جھوٹ بولنا حکومت کی عادت بن چکی ہے،

Shares: