عام شہریوں کی وزیراعظم تک رسائی کیسے ہو گی؟ شہزاد اکبر نے طریقہ بتا دیا
باغی ٹی وی کی رپورٹ کے مطابق وزیراعظم عمران خان کے معاون خصوصی برائے احتساب شہزاد اکبر نے کہا ہے کہ مختلف حکومتی اداروں کے درمیان بھی طاقت کی لڑائی ہوتی ہے،ادارے ایک دوسرے کےساتھ معلومات تک رسائی میں تعاون نہیں کرتے،کہا جاتا ہے کہ سرکاری اداروں کے افسران کی تنخواہیں پبلک ہونی چاہئیں،کوئی ملک ایسا نہیں جو سرکاری افسران کی تنخواہیں پبلک کرے
شہزاد اکبر نے مزید کہا کہ تمام سیاسی جماعتوں کو سوشل میڈیا اور میڈیا کی طاقت کا اندازہ ہے،کوئی چاہے بھی تو عوام سے حقائق چھپا نہیں سکتا،عام شہری کو سٹیزن پورٹل کے ذریعے وزیر اعظم آفس تک رسائی ہے،کوئی افسر شہریوں کے مسائل حل نہیں کرتا تو یہ اس کیلئے پریشان کن ہے،مسائل حل نہ کرنے والے افسران کی کارکردگی رپورٹ خراب ہوتی ہے،
شہزاد اکبر کا مزید کہنا تھا کہ کابینہ اجلاس میں ہونے والے فیصلوں کو پبلک کیا جاتا ہے،ہر حکومت آتے ہی قانون سازی شروع کر دیتی ہے،ہمیں قانون سازی سے زیادہ موجود قوانین پر عمل کرنے کی ضرورت ہے،ایک قانون بنانے کیلئے پور اسال درکار ہوتا ہے،آج کے دور کی حکومت کا رویہ حاکمانہ نہیں ہو سکتا،
