کاشانہ کیس میں نیا موڑ، افشاں لطیف نے نئی ویڈیو میں کیا کہہ دیا؟
باغی ٹی وی کی رپورٹ کے مطابق کاشانہ اسکینڈل کے معاملے پر سابق سپرنٹنڈنٹ افشاں لطیف نے ایک اور ویڈیو پیغام جاری کیا ہے جس میں انہوں نے عالمی اداروں سے اپنا کردار ادا کرنے کی اپیل کی ہے، ویڈیو پیغام میں افشاں لطیف نے اقوام متحدہ سمیت عالمی ادارہ انسانی حقوق سے اپیل کی ہے کہ وہ کاشانہ واقعہ کے بعد متاثرہ بچیوں کو تحفظ فراہم کرنے کیلئے پاکستانی حکام پر زور ڈالے۔
افشاں لطیف نے ویڈیو پیغام میں مزید کہا کہ سیاسی اثر و رسوخ کے باعث سوشل ویلفئیر ڈپارٹمنٹ نے بچیوں کو اپنی تحویل میں لے رکھا ہے، جبکہ بچیوں کے تحفظ کیلئے کوئی شنوائی نہیں ہورہی۔ بچیوں کی مدد کی جائے، انہیں ڈر ہے کہ کہیں بچیاں کسی بڑے حادثے کا شکار نہ ہو جائیں۔
کاشانہ معاملہ، افشاں لطیف کا حکومت کے خلاف انتہائی اقدام
کاشانہ کیس، ن لیگ بھی میدان میں آ گئی، عظمیٰ بخاری نے بڑا مطالبہ کر دیا
کاشانہ کیس،اخلاقی کرپشن، عدالتی کمیشن بنانے کا مطالبہ سامنے آ گیا
قبل ازیں افشاں لطیف نے کاشانہ معاملے پر مدد کیلئے چیف جسٹس آف پاکستان اور آرمی چیف جنرل قمر جاوید باجوہ کے نام بھی ایک خط لکھا تھا جس میں اپنے متعلق سیکیورٹی تحفظات کا اظہار کیا گیا تھا،خط میں انہوں نے لکھا کہ یتیم بچیوں کے ساتھ ہونے والے سلوک کو سامنے لانے کی سزا دی جارہی ہے اور مجھ پر دباؤ ڈالا جا رہا ہے کہ سارے الزامات واپس لوں۔انہوں نے مزید لکھا کہ میری فیملی اور مجھے جان سے مارنے کی دھمکیاں دی جارہی ہیں لہٰذا فیملی اور مجھے تحفظ فراہم کیا جائے۔
افشاں لطیف آج ہفتہ کو لاہور پریس کلب میں پریس کانفرنس بھی کریں گی جس میں وہ حقائق میڈیا کے سامنے لائیں گی.
اس قوم کے بخت سنورگئے جس نے درخت لگا ئے:افشاں لطیف
پنجاب کے صوبائی دارالحکومت لاہور میں یتیم کمسن بچیوں کی شادی نہ کروانے کے جرم میں کاشانہ کی سپرینڈنٹ افشاں لطیف کو گرفتار کیا گیا تھا، گرفتاری کے وقت افشاں لطیف نے اپنے ایک ویڈیو پیغام میں کہا کہ مجھے شوہر سمیت گرفتار کیا جا رہا ہے۔مجھے نہیں معلوم اب مجھے کہا لے کر جایا جائے گا اب یہ بچیاں آپ سب کی ذمہ داری ہیں۔
کاشانہ کی بیٹیوں کی پرخلوص دعاﺅں نے وزیراعلیٰ پنجاب کوحادثہ سے بچالیا ،افشاں لطیف
وزیراعلیٰ پنجاب سردار عثمان بزدار نے سوشل میڈیا پر کا شانہ کے بارے میں وائرل ہونے والی ویڈیوکے معاملہ کا سخت نوٹس لیتے ہوئے صوبائی سیکرٹری سوشل ویلفیئر سے رپورٹ طلب کر لی ہے-وزیراعلیٰ نے حکم دیاہے کہ معاملے کی ہر پہلو سے انکوائری کی جائے اور الزامات کی مکمل چھان بین کر کے حقائق منظر عام پر لائے جائیں -وزیراعلیٰ نے کہاکہ تحقیقات میں جو بھی قصوروار ہوا اس کے خلاف بلاامتیاز کارروائی ہوگی- کاشانہ میں رہائش پذیر بچیو ں کومکمل تحفظ دیں گے اور میں بے آسرا بچیوں کے ساتھ ناروا سلوک کسی صورت برداشت نہیں کروں گا-
کم عمر بچیوں کی شادی نہ کروانے پر کاشانہ کی سپرنٹنڈنٹ کے ساتھ کیا سلوک کیا گیا؟
