پاکستان کے سابق سیکرٹری خارجہ عبدالستار وفات پاگئے ہیں. ان کی وفات پر تمام شعبہ ہائے زندگی سے تعلق رکھنے والی اہم شخصیات نے تعزیت کا اظہار کیا ہے.
باغی ٹی وی کی رپورٹ کے مطابق دفتر خارجہ کی جانب سے جاری کردہ ایک بیان میں کہا گیا ہے کہ عبدالستار ایک ممتاز، منجھے ہوئے سفارت کار اور لکھاری تھے. انہوں نے 1986 سے 1988تک بطور سیکرٹری خارجہ بھی خدمات انجام دیں.
دفتر خارجہ کا کہنا ہے کہ عبد الستار کی نماز جنازہ کل صبح 11 بجے اسلام آباد کے ایچ الیون قبرستان میں ادا کی جائے گی. ان کی وفات پر سیاسی، مذہبی و سماجی تنظیموں نے تعزیت کا اظہا رکیا اور ان کے لواحقین کیلئے صبر جمیل کی دعا کی ہے.
