کراچی :عباسی شہید اسپتال کے 10 ڈاکٹرز کو کورونا وائرس ہونے کا شبہ،اطلاعات کےمطابق کراچی کے عباسی شہید اسپتال کے 10 ڈاکٹرز کو کورونا وائرس کا شبہ ہونے پر علیحدہ کردیا گیا۔اسپتال انتظامیہ نے ڈاکٹروں کو اسکریننگ کے لیے ریفر کردیا، اسکریننگ کے بعد مزید ٹیسٹ کیے جانے کا امکان ہے۔
بلدیہ عظمی کراچی کے سب سے بڑے اسپتال عباسی شہید میں مشتبہ طور پر متاثرہ دس ڈاکٹروں کو فوری طور پر آئسولیٹ کر دیا گیا ہے اس سلسلے میں ایم ایس ڈاکٹر ندیم راجپوت کی جانب سے جناح اسپتال انتظامیہ کو خط تحریر کیا گیا ہے جس میں دس ڈاکٹروں بشمول آر ایم او، پی جی اور ہائوس آفیسرز شامل ہیں، کی فوری طور پر اسکریننگ کرنے کی درخواست کی گئی ہے۔
ڈاکٹروں کی اسکرینگ کے بعد مزید ٹیسٹ کیے جانے کا امکان ہے ۔ڈاکٹروں کو گھروں میں آئسولیٹ ہونے کی ہدایت کر دی گئی ہے۔دوسری جانب ذرائع کے مطابق دس ڈاکٹروں متشبہ طور پر کورونا وائرس ہونے کی خبروں کے بعد دیگر ڈاکٹروں اور عملے میں خوف کی لہر بڑھ گئی ہے
