سٹاک مارکیٹ میں ہفتے کے دوران پہلی بار تیزی دیکھی گئی
باغی ٹی وی :پاکستان سٹاک مارکیٹ میں کاروباری ہفتے کے آخری روز کے دوران 537.58 پوائنٹس کی تیزی دیکھی گئی، رواں ہفتے کے دوران پہلی مرتبہ مارکیٹ میں بڑھوتری دیکھی گئی۔ آج ہونے والی تیزی کے سببب حصص کی مالیت میں 80 ارب روپے سے زائد کا اضافہ ریکارڈ کیا گیا۔
اسٹاک مارکیٹ میں کاروبار کے اختتام پر 100 انڈیکس 537 پوائنٹس کے اضافہ ساتھ 30 ہزار 667 کی سطح پر اختتام ہوئی۔
کے ایس ای 100 انڈیکس میں آج 203,904,750 شیئرز کی لین دین ہوئی جس کی مالیت پاکستانی روپوں میں 7,995,020,795 بنتی ہے۔
اسٹاک مارکیٹ میں کاروباری ہفتے کے چوتھے روز جمعرات کو شدید مندی کا رجحان رہا۔ کے ایس ای 100 انڈیکس میں کاروبار کا آغاز 30 ہزار 416 پوائنٹس سے ہوا۔
کے ایس ای 100 انڈیکس میں کاروبار کا اختتام 30 ہزار 129 کی سطح سے ہوا، آج 238,267,900 شیئرز کی لین دین ہوئی جس کی مالیت پاکستانی روپوں میں 9,417,662,147 بنتی ہے۔
گزشتہ دو ہفتے سے پاکستان اسٹاک مارکیٹ شدید مندی کا شکار ہے اور تقریبا 40 ہزار پوائنٹس کی کمی ہوچکی ہے۔ ماہرین کا کہنا ہے کہ کورونا وائرس کی وجہ نہ صرف پاکستان اسٹاک مارکیٹ بلکہ دنیا بھر کی اسٹاک مارکیٹوں پر منفی اثرات مرتب ہو رہے ہیں۔
