گھر سے باہر نکلنے پر ماسک پہننا ضروری قرار،ورنہ جائیں گے جیل، نیا حکمنامہ آ گیا
باغی ٹی وی کی رپورٹ کے مطابق کرونا وائرس سے بچاؤ کی لئے دنیا بھر میں احتیاطی تدابیر اختیار کی جا رہی ہیں ، متعدد ممالک نے لاک ڈاؤن نافذ کر رکھا ہے بھارت بھی ان ممالک میں سے ایک ہے
ایسے میں کرونا وائرس سے بچاؤ کے لئے دہلی سرکار نے نیا حکم نامہ جاری کیا ہے جس کے مطابق ماسک پہنے بغیر گھر سے نکلنے والوں کو 6 ماہ کی سزا ہو گی، شہریوں کو کہا گیا ہے کہ وہ ماسک پہن کر گھروں سے نکلیں ، جو ماسک نہیں پہنے گا اس کو گرفتار کر کے جیل بھجوا دیا جائے گا.
دہلی سرکار نے کرونا سے بچاؤ کے لئے سخت اقدامات کئے ہیں، دہلی کے چیف سیکرٹری کے مطابق سزا کے ساتھ ساتھ ایک ہزار تک جرمانہ بھی عائد کیا جا سکتا ہے،اگر کسی دفتر، اجلاس یا کہیں بھی گھر سے باہر کسی بھی شہری نے ماسک نہیں پہنا ہو گا تو اس کے خلاف بھی کاروائی ہو گی، گھر سے باہر تمام مقامات پر ماسک پہننا ضروری ہے.
بھارت میں کرونا وائرس کی تباہی جاری ہے، بھارت میں کرونا وائرس کے مریضوں کی تعداد 6725 ہو گئی ہے ،بھارت میں کرونا سے 226 ہلاکتیں ہو چکی ہیں جبکہ 620 مریض صحتیاب ہو چکے ہیں
بھارتی وزارت صحت کے مطابق گزشتہ 24 گھنٹوں میں کرونا وائرس کے 540 نئے مریض سامنے آئے، کرونا وائرس بھارت کی 31 ریاستوں میں پھیل چکا ہے،مریضوں میں 65 غیر ملکی افراد بھی شامل ہیں، گزشتہ 24 گھنٹوں میں کرونا وائرس سے 17 ہلاکتیں ہوئی ہیں.
بھارتی وزارت صحت کے مطابق کرونا کے سب سے زیادہ مریض مہاراشٹر میں ہیں جہاں 1135 مریض سامنے آئے ہیں اور 72 ہلاکتیں ہو چکی ہیں، 24 گھنٹوں میں مہاراشٹر میں 8 افراد ہلاک ہوئے جبکہ 117 نئے مریض سامنے آئے، تامل ناڈو میں کرونا وائرس کے 738 مریض ہیں جبکہ 8 ہلاکتیں ہو چکی ہیں،دہلی میں 720 مریض اور 12 ہلاکتیں ہو چکی ہیں، دہلی میں گزشتہ 24 گھنٹوں کے دوران 93 نئے مریض سامنے آئے
کرونا وائرس، ہسپتالوں پر تنقید کرنا اپوزیشن کے رکن اسمبلی کو مہنگا پڑ گیا،حکومت نے بھجوایا جیل
کرونا وائرس،تبلیغی جماعت پر تنقید،پانچ ٹی وی اینکرز کے خلاف بھی مقدمہ درج
ٹیسٹ نہ کروانے والے تبلیغی جماعت کے اراکین کو گولی مارنے کا رکن اسمبلی نے کیا مطالبہ
مقدمہ درج ہونے کے بعد روپوش ہونیوالے تبلیغی جماعت کے سربراہ کا پولیس نے سراغ لگا لیا
کرونا وائرس سے امریکا میں کتنے بھارتی شہریوں کی ہوئی ہلاکت؟
تبلیغی جماعت کے اراکین بارے غلط خبر دینے پرپولیس کی کاروائی، ایک صحافی، ایک ڈاکٹر گرفتار
واضح رہے کہ بھارت میں کرونا کے وار جاری ہیں، بھارت میں 21 روزہ لاک ڈاؤن چل رہا ہے تا ہم مودی سرکار لاک ڈاؤن بڑھانے پر غور کر رہی ہے.بھارت کی کئی ریاستوں نے لاک ڈاؤن بڑھانے کی حمایت کی ہے،بھارت میں کرونا وائرس کے مریضوں کی تعداد 5 ہزار سے زیادہ ہو گئی ہے مودی سرکار نے 25 مارچ کو بھارت میں لاک ڈاؤن کا اعلان کیا تھا
