چینی انکوائری کمیشن کی رپورٹ کا اسٹیٹس صرف فیکٹ فائنڈنگ ہے، چیف جسٹس اسلام آباد ہائیکورٹ

باغی ٹی وی کی رپورٹ کے مطابق ‏چینی انکوائری کمیشن کیس کی سماعت کل تک ملتوی کر دی گئی،چیف جسٹس اسلام آباد ہائیکورٹ کل سماعت کریں گے

آج اسلام آباد ہائیکورٹ میں سماعت ہوئی تو شوگر ملز ایسوسی ایشن کےوکلا نے3 گھنٹےدلائل دیئے،‏سلمان اکرم راجا نے امریکا، آسٹریلیا اور نیوزی لینڈ کی عدالتوں کے فیصلے بطور عدالتی نظیر پیش کر دیے‏

مخدوم علی خان کے دلائل مکمل ہو گئے، سلمان اکرم راجا نے دلائل کا آغازکر دیا‏، سللمان اکرم راجہ نے کہا کہ انکوائری کمیشن کا غیر متعصب ہونا اور قانون کے مطابق کام کرنا ضروری ہے، کمپنیز کے آڈٹ کا حکم اس انداز میں نہیں دیا جا سکتا، کمیشن کے ارکان متعصب نہیں ہونے چاہییں،کمیشن نے وہ کام کیا جو اس کے مینڈیٹ میں شامل ہی نہیں تھا،

سلمان اکرم راجا‏ نے دلائل دیتے ہوئے مزید کہا کہ انکوائری کمیشن نے جس انداز میں فرانزک آڈٹ کرایا وہ درست نہیں، آڈٹ کرانے کے لیے قانون میں ایک طریقہ درج ہے جس کے تحت حکم دیا جا سکتا ہے، انکوائری کمیشن رپورٹ کو محض کاغذ کا ایک ٹکڑا قرار دے کر کالعدم قراردیا جائے

دوران سماعت چیف جسٹس اسلام آباد ہائیکورٹ نے کہا کہ چینی انکوائری کمیشن کی رپورٹ کا اسٹیٹس صرف فیکٹ فائنڈنگ ہے،جو وفاقی اداروں جیسا کہ ایف بی آر، سٹیٹ بینک یا ایس ای سی پی کی تفتیش پر اثر انداز نہیں ہونی چاہیے۔ ہم کہہ دیتے ہیں ادارے چینی انکوائری کمیشن سے متاثر ہوئے بغیر آزادانہ تحقیق کریں،

چینی کی قیمتوں میں اضافے پر سینیٹ میں بھی تحقیقات کا مطالبہ

جہانگیر ترین کے حق میں تحریک انصاف کی کونسی شخصیت کھل کر سامنے آ گئی، بڑا مطالبہ کر دیا

چیف جسٹس اسلام آباد ہائیکورٹ کا کہنا تھا کہ جو ادارے اب تفتیش کریں گے وہ اس رپورٹ سے متاثر ہوئے بغیر آزادانہ تحقیقات کریں گے۔ تمام اداروں نے شفاف ٹرائل کے لیے متعلقہ لوگوں کو سننا ہے کیونکہ یہ سب پاکستان کے شہری ہیں۔ گنے کے کاشتکاروں کے حقوق کے لیے صوبائی قوانین ہیں جن پر عمل نہیں ہوتا۔ صوبے قانون پر عمل کروائیں تو کاشتکاروں کے حقوق کبھی سلب نہیں ہوسکتے

شوگر کمیشن رپورٹ، شوگر ملز مالکان کو عدالت سے بڑا ریلیف مل گیا