پاک فضائیہ کے 11 افسران کی اعلیٰ عہدوں پر ترقی
باغی ٹی وی :حکومتِ پاکستان کی جانب سے پاک فضائیہ کے ایک ایئر آفیسر کو ایئر مارشل اور دس افسران کو ایئر وائس مارشل کے عہدوں پر ترقی دے دی گئی ہے۔
ترجمان پاک فضائیہ کے مطابق حکومت پاکستان نے ایئر وائس مارشل عامر مسعود کو ایئر مارشل کے عہدے پر ترقی دی ہے جبکہ دس ایئر کموڈورز کو ایئر وائس مارشل کے عہدوں پر ترقی دے دی گئی ہے۔
ترجمان پاک فضائیہ کے مطابق جی ڈی پی برانچ سے ترقی پانے والے افسران میں ایئر وائس مارشل عامر راشد، ایئر وائس مارشل سید فواد مسعود حاتمی، ایئر وائس مارشل محمد جمال ارشد، ایئر وائس مارشل ظفر اسلم، ایئر وائس مارشل محمد سرفراز، ایئر وائس مارشل کاظم حماد اور ایئر وائس مارشل شکیل غضنفر شامل ہیں۔ پاک فضائیہ کی انجنئیرنگ برانچ سے ایئر وائس مارشل عرفان ظہیر، ایئر وائس مارشل آصف مقصود اور ایئر وائس مارشل محمد عامر حیات بھی ترقی پانے والوں میں شامل ہیں
ترجمان پاک فضائیہ کی جانب سے جاری پریس ریلیز کے مطابق پاک فضائیہ کی انجنئیرنگ برانچ سے ائیر وائس مارشل عرفان ظہیر، ائیر وائس مارشل آصف مقصود اور ائیر وائس مارشل محمد عامر حیات بھی ترقی پانے والوں میں شامل ہیں۔
خیال رہے کہ 13 مارچ کو پاک فوج کے پروموشن بورڈ کے اجلاس میں متعدد بریگیڈیئرز کی میجرجنرل کےعہدوں پرترقی دی گئی تھی۔
پاک فوج کے شعبہ تعلقات عامہ(آئی ایس پی آر) نے بتایا تھا کہ آرمی چیف جنرل قمر جاوید باجوہ کی زیرصدارت پروموشن بورڈ کے اجلاس میں بریگیڈیئرمحمد عاطف منشا، بریگیڈیئرافتخار حسن چوہدری اور بریگیڈئیرمحمد عمربشیر کو میجر جنرل کے عہدے پر ترقی دے دی گئی تھی۔







