پنجاب میونسپل ڈویلپمنٹ فنڈ کمپنی کے 70 ملازمین کو فارغ کے حوالے سے تحریک التواءکار پنجاب اسمبلی میں جمع
باغی ٹی وی کی رپورٹ کے مطابق پنجاب میونسپل ڈویلپمنٹ فنڈ کمپنی کے 70 ملازمین کو فارغ کے حوالے سے تحریک التواءکار پنجاب اسمبلی میں جمع کروا دی گئی
تحریک التواءرکن پنجاب اسمبلی سعدیہ تیمور نے جمع کروائی ، تحریک التوا کے متن میں کہا گیا کہ پنجاب میونسپل ڈویلپمنٹ فنڈ کمپنی کے 70 ملازمین کے 3 سالہ کنٹریکٹ کو2سال بعد ہی فنڈز کی عدم دستیابی کا کہہ کر فارغ کر دیا گیا ملازمین کو پنجاب بھر میں سالڈ ویسٹ کمپنیوں کی نگرانی اور مانیٹرنگ کے لئے تعینات کیا گیا تھا
تحریک التوا کار کے متن میں مزید کہا گیا کہ ملازمین کے مطابق محکمہ خزانہ نے فنڈز موجود نہ ہونے پر ملازمین کو 2 سال مکمل ہونے کے بعد کنٹریکٹ میں توسیع دینے سے انکار کر دیا پی ایم ڈی ایف سی کے پراجیکٹ مینجمنٹ یونٹ میں کام کرنے والے 70 ملازم لاہور سمیت 36اضلاع کی مانیٹرنگ کرتے تھے مانیٹرنگ نہ ہونے سے شہر میں صفائی ستھرائی کا نظام متاثر ہوگا
قبل ازیں بین الاقوامی اداروں کے تعاون سے 18 اہم منصوبوں کے حوالے سے تحریک التوائے کار پنجاب اسمبلی میں جمع کروا دی گئی، تحریک التوائے کار ممبر پنجاب اسمبلی مومنہ وحید نے کروائی
متن میں کہا گیا کہ بین الاقوامی اداروں کے تعاون سے 18 اہم منصوبوں کو مکمل کیا جائے گا ،7منصوبوں میں ایشین ڈویلپمنٹ بینک ، 5منصوبوں میں ورلڈ بینک معاونت کرے گا ،لاہور کے 3منصوبوں میں ایشین انفراسٹرکچر انویسٹمنٹ بینک کی معاونت حکومت پنجاب کو حاصل رہے گی ،ڈیفیڈ، فرنچ ڈویلپمنٹ ایجنسی اور ڈانیڈا ایک ایک منصوبے کومکمل کرنے کے لئے فنڈز فراہم کریں گے چیئر مین پلاننگ اینڈ ڈویلپمنٹ بورڈکی جانب سے ایوان وزیر اعلیٰ سمیت صوبائی اداروں کومنصوبوں کی تفصیلات ارسال کر دی گئیں
متن میں مزید کہا گیا کہ ورلڈ بینک ہیومن کیپیٹل انویسٹمنٹ پراجیکٹ پنجاب، پنجاب ریسورس اینڈ ریونیو مینجمنٹ پروگرام، پنجاب اربن لینڈ سسٹم انہانسمنٹ پراجیکٹ کے لئے تعاون کر رہا ہے۔ صوبائی حکومت کو پنجاب رورل سسٹین ایبل واٹر اینڈ سینی ٹیشن پراجیکٹ کے علاوہ سپورٹ برائے نیا پاکستان ہاوسنگ پروگرام کے لئے بھی عالمی بینک کا تعاون حاصل ہے ایشین ڈویلپمنٹ بینک اسلام بیراج پراجیکٹ، پنجاب واٹر ریسورس مینجمنٹ، پنجاب ایگریکلچر مارکیٹس ڈویلپمنٹ پراجیکٹ، گریٹر تھل کینال پراجیکٹ کے لئے تعاون کر رہا ہے ایشین انفراسٹرکچر انویسٹمنٹ بینک لاہورمیں واٹر اینڈ ویسٹ مینجمنٹ کے تحت3 منصوبوں کے لئے فنڈز فراہم کر رہا ہے
