باغی ٹی وی کی رپورٹ کے مطابق نیشنل کمانڈ اینڈ آپریشن سینٹر میں اجلاس ہوا
قومی ادارہ صحت کے ایگزیکٹیو ڈائریکٹر نے اجلاس میں بریفنگ دی.بریفنگ میں بتایا گیا کہ ڈبلیو ایچ او کی سفارشات پر مبنی کورونا سے متعلق قومی پالیسی تیار کرلی گئی،پالیسی کے تحت ملک بھر میں ریپڈ اینٹی جن ٹیسٹنگ شروع کرنے کا فیصلہ کیا گیا ہے ،طریقہ کار کے تحت جلد اور موثر طریقے سے کورونا کی تشخیص ممکن ہوسکے گی ،متفقہ پالیسی کی تیاری کے لیے تمام صوبوں سے مشاورت کی گئی ،اس طریقہ کار کے تحت بین الاقوامی معیار کے مطابق کورونا کی ٹیسٹنگ کی جائے گی،
پہلے مرحلے میں تمام سرکاری اسپتالوں اور لیبارٹریزمیں اینٹی جن ٹیسٹنگ کی جائے گی،وفاق اور صوبے مل کر اینٹی جن ٹیسٹنگ کے حوالے سے تیاریاں مکمل کر رہے ہیں،
این سی او سی کے مطابق ملک بھر میں کورونا کے تشویشناک مریضوں کی تعداد بڑھ رہی ہے،اس وقت کورونا کے 2 ہزار 165 مریض تشویشناک حالت میں ہیں ،پنجاب 467،سندھ 696،خیبرپختونخوا 470 اور بلوچستان میں 17 مریضوں کی حالت تشویشناک ہے.اسلام آباد 323،آزادکشمیر 28 اور گلگت بلتستان میں 3 مریضوں کی حالت تشویشناک ہے،ملک بھر میں کورونا کے 282 مریض وینٹی لیٹر پر ہیں
کرونا پھیلاؤ روکنے کے لئے این سی او سی کا عوام سے مدد لینے کا فیصلہ
کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات
کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا
کرونا ویکسین کی تیاری کے لئے امریکہ مسلمان سائنسدانوں کا محتاج
این سی او سی کے مطابق ملک کے 15 شہروں میں کورونا وباتیزی سے پھیل رہی ہے۔ پاکستان میں اسی فیصد کورونا کیسز گیارہ بڑے شہروں سے رپورٹ ہوئے,
معاون خصوصی برائے صحت ڈاکٹر فیصل سلطان نے کہا کہ پاکستان میں کورونا وائرس کی دوسری لہر بتدریج شروع ہو چکی ہے۔ دوسری لہر سے نمٹنے کے لیے ایس اوپیز پر سختی سےعمل کرنا ہو گا۔ احتیاطی تدابیر پرعمل پیرا ہو کر ہم کورونا کی دوسری لہرسے نمٹ سکتے ہیں
