چیئرمین پی ایچ اے آصف محمود کے زیر صدارت پارکس اینڈ ہارٹی کلچر اتھارٹی راولپنڈی کے بورڈز آف ڈائریکٹر کی دسویں میٹنگ۔پارکس اینڈ ہارٹی کلچر اتھارٹی راولپنڈی کے بورڈز آف ڈائریکٹرز کی میٹنگ میں پی ایچ اے راولپنڈی کو خود مختار ادارہ بنانے کے لیے انٹرنیشنل فوڈ چین کو پی ایچ اے راولپنڈی کے بزنس پلان میں شامل کرنے کی منظوری دے دی گئی۔
پارکس اینڈ ہارٹیکلچر اتھارٹی راولپنڈی کے بورڈ آف ڈائریکٹرز کی آٹھویں میٹنگ پی ایچ اے ہیڈ آفس کے کمیٹی روم میں ہوئی جس کی صدارت مشیر وزیر اعلیٰ،سابقہ ممبر صوبائی اسمبلی و چیئرمین پی ایچ اے راولپنڈی آصف محمود نے کی۔ میٹنگ میں بورڈ آف گورنرزکے ممبران اور وائس چیئرمین پی ایچ اے راولپنڈی ملک عابد حسین نے شرکت کی۔ میٹنگ کا باقائدہ آغاز قرآن پاک کی تلاوت کریمہ سے کیا گیا۔ چیئرمین پی ایچ اے نے ممبران بورڈ آف ڈائریکٹرز کو خوش آمدید کہا اس کے بعد ڈائریکٹر جنرل سید شفقت رضا نے پی ایچ اے کی گزشتہ کارکردگی کے حوالے سے بورڈ ممبران کو بریفنگ دی۔ جس کے بعد میٹنگ ایجنڈا پر تبادلہ خیال کیا گیا جس میں پی ایچ اے راولپنڈی کی نویں بورڈ میٹنگ کی منٹس کی منظوری دی گئی۔
پی ایچ اے راولپنڈی کے سالانہ بجٹ 2020-21کی منظوری دے دی گئی۔ پی ایچ اے راولپنڈیکے افسران کو پی ایچ اے راولپنڈی کے تمام پارکس کے لیے رولز اینڈ ریگولیشن تیار کرنے کی ہدایات جاری کر دی گئی ۔میٹنگ میں پی ایچ اے راولپنڈی کو خود مختار ادارہ بنانے کے لیے انٹر نیشنل فوڈ چین کو پی ایچ اے راولپنڈی سے منسلک کرنے کی منظوری بھی دے دی گئی۔ بورڈ ممبران نے متفقہ طور پر ایجنڈاآئٹمز کی منظوری دی۔
آخر میں مشیر وزیر اعلیٰ پنجاب برائے ہارٹیکلچر اینڈ ٹورازم و چیئرمین پی ایچ اے آصف محمود نے پی ایچ اے راولپنڈی کو آئندہ چند سالوں میں معاشی طور پر خودمختار ادارہ بنانے کا عز م ظاہر کیااور تما م بورڈ آف ڈائریکٹرز کا شکریہ ادا کیا۔
