یوم حق خودارادیت کے موقع پر بھارتی سفارت خانے کے سامنے مظاہرہ
باغی ٹی وی :5 جنوری یوم حق خودارادیت کے موقع پر جموں کشمیر فورم فرانس، فرنڈس آف کشمیر انٹرنیشنل، اتحاد اسلامی جموں و کشمیر اور جے کے ایل ایف(ح) کے زیراہتمام بھارتی سفارتخانے اسلام آباد کے باہر احتجاجی مظاہرہ ہوا مظاہرے کی قیادت عبدالحمید لون، سید منظور احمد شاہ اور محمد شفیع ڈار حریت رہنما نے کی۔
مقررین نے اظہار خیال کرتے ہوئے کہا 5 جنوری کو ہر سال جموں و کشمیر کے عوام کے حق خودارادیت کے دن کے۔طور پر منا ے رہے ہیں ۔
آج نام نہاد سیز فائر لائ کے دونوں جانب اور دنیا بھر میں مقیم کشمیری آج یوم حق خودارادیت کے طور پر منا رہے ہیں ۔ 5 جنوری 1949 کو اقوام متحدہ کے کمیشن برائے ہندوستان اور پاکستان (UNSCIP) نے اس قراداد کو منظور کیا جس میں جموں و کشمیر میں ایک آزاد اور منصفانہ رائے شماری کی ضمانت دی گئی ہے ۔
مقررین نے کہا کہآج کے دن کا مقصد عالمی برادری کو یاد دلانا کہ 72 سال پہلے اقوام متحدہ اپنے وعدے کی پاسداری اور احترام کرانے کا عملی کردار ادا کرے ۔مقبوضہ جموں کشمیر میں 5 اگست کے بعد خوف و ہراس کا ماحول ہے۔
مقبوضہ جموں و کشمیر کی موجودہ صورتحال انتہائی بدترین ہے۔مقبوضہ جموں کشمیر کے عوام زندگی، خوراک، صحت و ادویات،اظہار رائے کی آزادی کے ساتھ ساتھ بنیادی حق حق خودارادیت سے محروم ہیں ۔5 اگست مودی کے اقدامات کے بعد لاک ڈاون اور بنیادی آزادیوں کی عدم موجودگی نے بین الاقوامی برادری کے ضمیر کو چیلنج کیا گیا ہے ۔کشمیری عوام کو اقوام متحدہ کی سلامتی کونسل کی قراردادوں کے مطابق اپنا حق دیا جائے ۔
مقررین نے بھارتی ریاستی دہشت گردی کی شدید مذمت کرتے ہوئے کہا کہ کشمیری نوجوانوں کو جعلی مقابلوں میں شہید کرکے دہشت گردی کا الزام لگایا جاتاہے۔ شہید کشمیری نوجوانوں کو قتل کرکے نامعلوم جگہ دفنا کر انسانی حقوق کی خلاف ورزیوں کا مرتکب ہے۔
مقررین نے کہاکہ ریاست مقبوضہ جموں و کشمیر کی بگڑتی ہوئی صورتحال اقوام متحدہ کے لئے لمحہ فکریہ ہے ۔
کشمیری عوام حکومت پاکستان کے سیاسی، سفارتی اور اخلاقی حمایت کے شکر گزار ہیں ۔مقررین میں حریت رہنما سید اعجاز رحمانی، زاہد صفی ، زاہد اشرف، مشتاق احمد بٹ، عابد عباسی، ماریہ اشرف، سردار مظہر، ثناءاللہ خان،غلام علی،سردار امتیاز،اور سردار ماجد خان شامل تھے۔
