پاک فضائیہ کی ٹیم نے ایک اور اعزاز اپنے نام کرلیا
باغی ٹی وی : پاک فضائیہ کی سیلنگ ٹیم نے نیشنل جونئیر چمپئین شپ انڈر 25 میں تینوں طلائی تمغے جیت کر چمپئین شپ اپنے نام کر لی ہے۔پاک فضائیہ نے نے یہ اعزاز برقرار رکھتے ہوئے یہ کارکردگی دکھائی
ی
پاک فضائیہ نے 9 میں سے 8 تمغے جیت کر تاریخ رقم کی۔ کلفٹن کراچی پر منعقدہ اس چیمپئین شپ کے فائنل میں پاک فضائیہ کے سیلرز نے تینوں کیٹیگریز کے تمام میڈلز اپنے نام کر لئے۔
لیزر کیٹیگری میں پاک فضائیہ کے اویس پیش پیش رہے اور طلائی تمغہ جیت لیا ۔ اسی کیٹیگری میں پاک نیوی کے حمزہ سخت مقابلے کے بعد چاندی کا تمغہ حاصل کرنے میں کامیاب ہوئے جبکہ کانسی کا تمغہ پاک فضائیہ کے آگسٹن نے حاصل کیا۔
ونڈ سرفنگ RSX کیٹیگری میں بھی پاک فضائیہ کا پلڑا بھاری رہا۔ سمیع اللہ نے طلائی تمغہ، نوید اقبال نے چاندی کا تمغہ اور محمد سلیمان نے کانسی کا تمغہ جیت کر یہ کیٹیگیری اپنے نام کر لی۔
470 کلاس کیٹیگری میں طلائی، چاندی اور کانسی کے تمام تمغے بھی پاک فضائیہ نے اپنے نام کئے۔ عظیم اور مبشر علی نے طلائی تمغہ، زین بن یامین اور محمد عبداللہ نے چاندی کا تمغہ جبکہ دانیال تنویر اور عمران نے کانسی کا تمغہ حاصل کیا۔
