امن مشن،وزیر خارجہ کس ملک کا دورہ کرنیوالے ہیں؟
باغی ٹی وی کی رپورٹ کے مطابق وزیر خارجہ شاہ محمود قریشی آج یو اے ای کے 3 روزہ سرکاری دورے کیلئے روانہ ہوں گے،
شاہ محمود قریشی یو اے ای کے وزیر خارجہ سے ملاقات کریں گے، وزیر خارجہ یو اے ای میں مقیم پاکستانی برادری سے بھی ملاقات کریں گے ،ترجمان دفتر خارجہ کے مطابق وزیر خارجہ شاہ محمود قریشی امارات کی قیادت کے ساتھ باہمی تعاون کے تمام امور پر بات چیت کریں گے جن میں تجارت اور سرمایہ کاری میں شراکت داری، پاکستانیوں کے لیے نوکریاں اور پاکستانی کمیونٹی کی ویلفیئر جیسے نکات شامل ہیں۔ وزیر خارجہ باہمی دلچسپی کے علاقائی اور بین الاقوامی معاملات پر بھی گفتگو کریں گے
ترجمان وزارت خارجہ کا کہنا ہے کہ پاکستان اور یو اے ای کے درمیان مضبوط برادرانہ تعلقات ہیں، اور دونوں ممالک کے اعلیٰ عہدیداروں کے دوروں نے باہمی تعاون کو مضبوط کرنے اور مختلف معاملات پر شراکت داری کو بڑھانے میں اہم کردار ادا کیا ہے،
واضح رہے کہ پاک بھارت تعلقات میں بہتری لانے کے لئے یو اے ای اہم کردار ادا کر رہا ہے، وزیر خارجہ شاہ محمود قریشی کے دورہ یو اے ای کو اس وقت اہمیت دی جا رہی ہے
باغی ٹی وی یہ خبر بھی شائع کر چکا ہے کہ یو اے ای کے حکام نے پاک بھارت کشیدگی کے خاتمے کے لئے اہم کردار ادا کیا ہے۔ اس ضمن میں یہ توقع کی جا رہی تھی کہ سیز فائر کے بعد تجارت کی بحالی ہو گی
پاکستان نے دو برس قبل پلوامہ حملے اور بعد ازاں بالا کوٹ پر بھارت کے فرضی حملے کے بعد بھارت کے طیارے گرائے اور بھارتی پائلٹ کو گرفتار کیا جس کو امن کے لیے پاکستان نے بھارت واپس روانہ کیا بعد ازاں اگست 2019 میں بھارت نے کشمیر کی خصوصی حیثیت ختم کی تو پاکستان نے بھارت کے ساتھ تجارتی تعلقات ختم کر دیئے تھے ۔ کشمیر کی خصوصی حیثیت کے خاتمے کو لے کر پاکستان نے عالمی دنیا کے سامنے کشمیریوں کی آواز بلند کی تا ہم اب حالات میں تیزی سے تبدیلی آ رہی ہے ۔ پاکستان اور بھارت دونوں ایٹمی قوتیں ہیں اور عالمی دنیا کی بھی یہی خواہش ہے کہ اس خطے میں امن آئے ۔امن آئے تو تو دونوں ملک غربت اور بے روزگاری سے نکلنے میں کامیاب ہوں گے
بھارتی وزیراعظم مودی کے عمران خان کو خط لکھے جانے کے بعد سوشل میڈیا پر عمران خان کو مودی کا یار کہا جا رہا ہے تاہم حقائق یہ ہیں کہ پاکستان کو خطے میں امن کے لئے کردار ادا کرنا ہے۔افغانستان میں قیام امن کے لیے پاکستان کا کردار دنیا تسلیم کر چکی ہے پاکستان نے کرتارپور راہداری کھول کر بھی خطے میں امن کا پیغام دیا تھا جس کو عالمی دنیا نے سراہا تھا
