مدینہ منورہ:وزیراعظم عمران خان مدینہ منورہ پہنچ گئے:مدینہ منورہ میں داخل ہونے سے پہلےجوتے اتارلیئے،اطلاعات کے مطابق سعودی عرب کے دوسرے مرحلے میں وزیراعظم عمران خان وزیراعظم عمران خان مدینہ منورہ پہنچ گئے۔
وزیراعظم عمران خان روضہ رسول صلی اللہ علی والہ وسلم پر حاضری کیلئے مدینہ منورہ پہنچ گئے۔مدینہ ائیرپورٹ پر وزیرِ اعظم کا استقبال گورنر مدینہ منورہ امیر فیصل بن سلمان بن عبدالعزیز نے کیا۔
اس دوران وزیراعظم ہاؤس کے آفیشل اکاؤنٹ سے تصاویر بھی شیئر کی گئی ہیں جس میں دیکھا جاسکتا ہے کہ مدینہ ائیرپورٹ پر جہاز سے اترتے ہوئے وزیراعظم نے جوتے نہیں پہن رکھے اور وہ وفد کے ساتھ بغیر جوتوں کے ہی جارہے ہیں۔
خیال رہے کہ اس سے قبل بھی وزیراعظم عمران خان جوتے اتار کر مدینہ کی سرزمین پر قدم رکھا ہے جبکہ اس حوالے سے وزیراعظم کا کہنا تھا کہ مدینہ منورہ میں بغیر جوتوں کے آنا نبی ﷺ کے احترام میں تھا۔
وزیر اعظم عمران خان کے مدینہ منورہ پہنچنے پر وزیر اطلاعات فواد چوہدری نے وزیراعظم کی بغیر جوتوں کے تصویر شئیر کی ہے۔
سرکار دو عالم محمد مصطفی ﷺ کے دربار میں غلام کی حاضری ادب کا قرینہ کہ جوتے پہننے کی جسارت دربارِ مصطفیࣿ ﷺ میں تو کیا ان کے شہر میں بھی نہیں ۔۔۔ کہ ادب پہلا قرینہ ہے محبت کے قرینوں میں ۔۔۔ pic.twitter.com/1iblXm6DoH
— Ch Fawad Hussain (@fawadchaudhry) May 8, 2021
ادھرجب وزیراعظم جدہ سے مدینہ منورہ پہنچےتو وزیراعظم کے ہمراہ آٹھ ارکان کا وفد بھی موجودتھا، وفد میں وزیرخارجہ شاہ محمود قریشی، وزیر داخلہ شیخ رشید، سینیٹر فیصل جاوید، گورنر کے پی شاہ فرمان، گورنر سندھ عمران اسماعیل اور صوبائی وزیر خوراک پنجاب علیم خان بھی شامل ہیں۔
وزیراعظم عمران خان نے مدینہ منورہ میں جوتوں کے بغیر قدم رکھا، وزیراعظم عمران خان مدینہ منورہ میں روضہ رسول ﷺپر حاضری دیں گے۔
اس سے قبل وزیراعظم عمران خان 3روزہ دورے پر سعودی عرب پہنچے تو سعودی عرب کے ولی عہد شہزادہ محمدبن سلمان نے وزیراعظم کا پرتپاک استقبال کیا ، جس کے بعد عمران خان جدہ ایئرپورٹ سےشاہی دیوان کے لئے روانہ ہوئے، اس موقع پر ان کے ہمراہ آرمی چیف جنرل قمرجاویدباجوہ،شاہ محمودقریشی،شیخ رشید ہمراہ تھے۔
