سنگیتا کی ڈائریکشن میں بننے والا ڈرامہ سیریل دو بوند پانی کا آخری سپیل لاہور میں شوٹ ہو رہا ہے فلمسٹار میرا ، آمنہ الیاس ، سعود و دیگر اپنے حصے کا کام مکمل کروا رہے ہیں. یہ نہ صرف ڈرامہ ہے بلکہ فلم بھی ہے یعنی سنگیتا بیگم ڈبل ورژن بنا رہی ہیں. ڈرامہ پاکستان کے بڑے چینل پر آن ائیر جائیگا. اس ڈرامے کی آئوٹ ڈور شوٹنگ بہاولپور کے ریگستانی علاقے میں ہوئی جہاں ڈرامے کی پوری کاسٹ نے حصہ لیا. اس کے بعد ان ڈور شوٹنگ لاہور میں ہوئی . اب اس پراجیکٹ کا لاسٹ سپیل لاہور میں شوٹ ہو رہا ہے سیٹ پر فنکاروںکی ایک بڑی تعداد موجود ہے. سنگیتا ببگم اس پراجیکٹ کو لیکر کا فی پرجوش ہیں. ان کا کہنا ہےکہ کافی عرصے کے بعد شائقین کو روٹین سے ہٹ کر ٹی وی پر دیکھنے کے لئے کچھ
ملے گا اس ڈرامے اور فلم کے زریعے ہم پانی جیسے اہم مسئلے کو اجاگر کررہے ہیں. فلم دنیا کے بڑے فیسٹیولز میں پیش کی جائیگی. سنگیتا کو امید ہے کہ ان کی فلم فیسٹیولز میں ضرور پذیرائی حاصل کریگی. فلمسٹار میرا اس پراجیکٹ کے ساتھ کافی عرصے کے بعد سکرین پر دکھائی دے رہی ہیں، اس میں ان کے ساتھ آمنہ الیاس بھی ہیں آمنہ اور میرا ایک ساتھ فلم باجی میں بھی کام کر چکے ہیں.
