نوری آباد ،باغی ٹی وی (نامہ نگاراللہ وسایا پالاری) نوری آباد سائٹ ایریا انڈسٹری روڈ کے قریب قائم غیر قانونی دکانیں مسمار کر دی گئیں اور سڑکوں پر لگے سٹال سائن بورڈ گرا دیے گئے۔ نوری آباد اور اس کے گردونواح میں سرکاری پلاٹوں پر ناجائز قبضہ کیا گیا تھا جسے گرا دیا گیا ہے۔
سائٹ انجینئر نادر جاگیرانی کے مطابق صوبائی وزیر انچارج سائٹ انڈسٹری کی ہدایات پر نوری آباد کے سڑک سے سینکڑوں دکانیں اور اسٹال ہٹا دیے گئے۔ جو بھی غیر قانونی تعمیرات کرے گا اس کے خلاف قانونی کارروائی کی جائے گی۔
دکانداروں نے شور مچایا کہ ہم غریب ہیں اوپرسےمہنگائی بھی عروج پر ہے اور ہمارے بچوں کا روزگار بھی چھین لیا گیا ہے۔
