پولو کلب کے زیراہتمام پولو کپ 2023ء کے دوسرے روز میچ کھیلا گیا جس میں ٹوٹل نیوٹریشن نے گارڈ گروپ /لوٹو کارپٹس کی ٹیم کو 6.5-3 گول سے ہرا دیا۔ لاہور پولو کلب میں رے منٹ 61 کے تعاون سے جاری پولو کپ میں پولو کے دلچسپ مقابلے کھیلے گئے جن کو دیکھنے کیلئے لاہور پولو کلب کے صدر ملک اعظم حیات نون، ایگزیکٹو کمیٹی ممبرز، فیملیز اور بچوں کی کثیر تعداد موجود تھی۔ گزشتہ روز ایک ہی میچ کھیلا گیاجس میں ٹوٹل نیوٹریشن کی ٹیم نے گارڈ گروپ /لوٹو کارپٹس کی ٹیم کو 6.5-3 گول سے ہرایا۔ ٹوٹل نیوٹریشن کی طرف سے سیف نون نے تین، محمد وحید نے دو اور بلال حئی نے ایک گول سکور کیا۔ گارڈ گروپ /لوٹو کارپٹس کی طرف سے عمران عابد میر، تیمور مواز اور تیمور علی ملک نے ایک ایک گول سکور کیا۔ آج بروز جمعرات پونے دو بجے پہلا میچ ریمنگٹن /نیوایج کیبلز اور اولمپیاء کے درمیان جبکہ پونے تین بجے دوسرا میچ زیڈ ایس پولو اور ٹوٹل نیوٹریشن کے درمیان کھیلا جائے گا۔
Shares:
