سوشل میڈیا پر وزیراعلیٰ پنجاب اور مختلف اداروں کے خلاف پروپیگنڈا کرنے والے افراد کے خلاف مقدمات درج کرلیے گئے ہیں۔ یہ مقدمات تھانہ شاہدرہ، شاہدرہ ٹاؤن اور کوٹ لکھپت میں درج کیے گئے ہیں، جن میں پاکستان الیکٹرانک کرائمز ایکٹ (پیکا) کے تحت سنگین دفعات شامل کی گئی ہیں۔
ایف آئی آرز کے مطابق، ملزمان نے آرٹیفیشل انٹیلیجنس کے ذریعے وزیراعلیٰ پنجاب کی نازیبا ویڈیوز تیار کیں۔ ان ویڈیوز کا مقصد سوشل میڈیا پر ملک دشمن عناصر کے ایجنڈے کو فروغ دینا تھا۔ ایف آئی آرز میں یہ بھی ذکر کیا گیا ہے کہ یہ جعلی ویڈیوز خاص طور پر مخصوص جماعت کے ذریعے بنائی گئیں، جن کا مقصد عوام میں انتشار پیدا کرنا تھا اور ملک کے اندر سیاسی عدم استحکام پیدا کرنے کی سازش کی گئی۔ایف آئی آرز میں مزید کہا گیا ہے کہ اس پروپیگنڈے کے ذریعے عوام کو گمراہ کرنے کی کوشش کی گئی اور اس کے ذریعے پنجاب کے وزیراعلیٰ اور مختلف اداروں کے خلاف منفی جذبات پیدا کرنے کی کوشش کی گئی۔
اس وقت تک ان مقدمات میں کسی ملزم کی گرفتاری عمل میں نہیں آئی، اور تحقیقات جاری ہیں۔ پولیس حکام کا کہنا ہے کہ وہ اس معاملے کی تحقیقات مکمل کرنے کے بعد مزید کارروائی کریں گے۔
ایف آئی اے امیگریشن کی سیالکوٹ ایئرپورٹ پر بڑی کارروائی، تین مسافر گرفتار
