کراچی: سلسلہ عظیمیہ کے مرشد، خواجہ شمس الدین عظیمی، 98 برس کی عمر میں وفات پا گئے
مراقبہ ہال کی جانب سے جاری کیے گئے ایک اعلامیے میں خواجہ شمس الدین عظیمی کی وفات کی تصدیق کی گئی ہے۔ اعلامیے کے مطابق خواجہ شمس الدین عظیمی 17 اکتوبر 1927 کو ہندوستان کے شہر سہارنپور میں پیدا ہوئے تھے۔خاندانی ذرائع کے مطابق خواجہ شمس الدین عظیمی گزشتہ کچھ دنوں سے فالج اور ہارٹ اٹیک کے باعث زیر علاج تھے اور 10 روز تک مختلف اسپتالوں میں علاج کراتے رہے۔ ان کی طبیعت میں بہتری نہ آنے پر وہ انتقال کر گئے۔
انتظامیہ سلسلہ عظیمی کی جانب سے بتایا گیا کہ خواجہ شمس الدین عظیمی کی نماز جنازہ اور تدفین کے بارے میں اعلان آج رات تک کیا جائے گا۔ سلسلہ عظیمیہ کے پیروکار اور متبعین ان کے انتقال پر گہرے دکھ اور غم کا اظہار کر رہے ہیں۔
