پاکستان کی معروف اداکارہ و میزبان وینا ملک نے حال ہی میں سوشل میڈیا پر ایک نئی ویڈیو شیئر کی ہے، جس میں وہ خود ساختہ گلوکار چاہت فتح علی خان کے ساتھ ڈانس کرتی نظر آ رہی ہیں۔ وینا ملک کی یہ ویڈیو سوشل میڈیا پر تیزی سے وائرل ہو گئی ہے اور صارفین کی مختلف آراء کا مرکز بن چکی ہے۔
وینا ملک جو کہ حالیہ دنوں میں سوشل میڈیا پر کافی متحرک ہیں، اپنے مداحوں کے ساتھ مختلف ویڈیوز شیئر کر رہی ہیں۔ ان کی نئی پوسٹس میں ایک طرف ان کی سالگرہ کی خوشیوں کے لمحات اور ویلنٹائن ڈے کی تقریبات شامل ہیں، تو دوسری طرف وہ گانا ریکارڈ کروانے کے بارے میں بھی نئی ویڈیوز اپنے فینز کے ساتھ شیئر کر رہی ہیں۔ویڈیو میں وینا ملک نے سیاہ رنگ کی خوبصورت ساڑھی پہنی ہوئی ہے، جس میں وہ انتہائی حسین نظر آ رہی ہیں۔ اس ویڈیو میں ان کے ساتھ ان کے دوست، جن کے بارے میں سوشل میڈیا پر مختلف افواہیں اور چہ مگوئیاں بھی زیرِ گردش ہیں، نظر آ رہے ہیں۔ ان دوستوں میں ایک اہم شخصیت چاہت فتح علی خان بھی شامل ہیں، جو کہ ایک مزاحیہ گلوکار کے طور پر معروف ہیں۔
ویڈیو میں اداکارہ وینا ملک اور چاہت فتح علی خان کے ساتھ دیگر دوست بھی موجود ہیں اور سب ایک ساتھ محفل میں ڈانس کرتے نظر آ رہے ہیں۔ تاہم، اس ویڈیو کے کمنٹس سیکشن میں مداحوں کی مختلف آراء آ رہی ہیں۔ بہت سے صارفین وینا ملک کے اس طرز عمل پر حیران ہیں اور بعض نے انہیں تنقید کا نشانہ بنایا ہے۔ کچھ صارفین کا خیال ہے کہ وینا ملک پاکستان کی معروف اداکارہ ہونے کے باوجود اس طرح کے انداز میں خود کو نمایاں کرنے کی کوشش کر رہی ہیں اور انہیں اس عمل میں پاکستان کی راکھی ساونت بننے کی کوشش کرتے ہوئے دیکھا جا رہا ہے۔
ویڈیو میں دیکھا جا سکتا ہے کہ چاہت فتح علی خان وینا ملک کو نازیبا طور پر چھونے کی بھی کوشش کرتے ہیں جس پر وینا ملک تھوڑا پیچھے ہٹ جاتی ہیں تا ہم انہوں نے کسی کو محسوس نہیں ہونے دیا.چاہت فتح علی خان نے اس سے قبل متھیرا کو بھی نازیبا طریقے سے چھوا تھا جس پر چاہت پر شدید تنقید کی گئی تھی
