سیالکوٹ،باغی ٹی وی (بیوروچیف شاہدریاض) گھوئنیکی لائنز کلب انسانیت کی فلاح و بہبود کے لیے سرگرم عمل ہے اور اسی جذبے کے تحت 9 مارچ صبح 10 بجے گھوئنیکی یونین کونسل میں سستا رمضان بازار لگایا جا رہا ہے، جہاں 4 ہزار روپے مالیت کی اشیائے خوردونوش صرف 2 ہزار روپے میں فراہم کی جائیں گی۔
منتظمین کے مطابق اشیاء کی پیکنگ کا عمل تیزی سے جاری ہے اور گھوئنیکی لائنز کلب کے تمام اراکین بھرپور شرکت کر رہے ہیں تاکہ مستحق خاندانوں کو معیاری اور مناسب قیمت پر اشیائے خوردونوش فراہم کی جا سکیں۔
لائن عمران یوسف کے مطابق سستا رمضان بازار میں 100 سے زائد فیملیز کو خصوصی پیکج دیا جائے گا جو کہ کلب کی جانب سے انسانیت کی خدمت کے عملی جذبے کا مظہر ہے۔
