پی آئی اے نے فلائٹ آپریشن کے فریم ورک پر کام شروع کر دیا
اسلام آباد: برطانیہ نے پاکستان کو اپنی ایئر سیفٹی لسٹ سے نکالنے کے بعد پاکستان انٹرنیشنل ایئر لائنز (پی آئی اے) نے برطانیہ کے لیے اپنی فلائٹ آپریشن بحال کرنے کے لیے اہم اقدامات شروع کر دیے ہیں۔
پی آئی اے کے چیف ایگزیکٹو آفیسر ے اس حوالے سے ایک اہم اجلاس طلب کیا ہے جس میں فلائٹ آپریشن کے فریم ورک پر تفصیلی غور و خوض کیا جائے گا۔ اجلاس میں برطانیہ کے سول ایوی ایشن اتھارٹی سے فوری رابطہ قائم کرنے کا فیصلہ بھی کیا گیا ہے تاکہ آپریشن کی اجازت اور دیگر تقاضے پورے کیے جا سکیں۔پی آئی اے انتظامیہ کا منصوبہ ہے کہ برطانیہ کے سول ایوی ایشن حکام سے آپریٹ کرنے کی رسمی درخواست دی جائے گی، جس کے بعد یو کے سول ایوی ایشن اتھارٹی کی جانب سے ایئر آپریٹر سرٹیفکیٹ جاری کیا جائے گا۔ اس سرٹیفکیٹ کے بعد ہی پی آئی اے اپنی برطانوی پروازوں کا دوبارہ آغاز کر سکے گی۔
ذرائع کے مطابق، ایئر آپریٹر سرٹیفکیٹ حاصل کرنا پی آئی اے کے لیے ایک اہم قانونی اور انتظامی قدم ہوگا، جس سے اس کی فلائٹ آپریشن کی بحالی میں مدد ملے گی اور برطانیہ کے فضائی حدود میں پروازیں بحال ہوں گی۔یہ اقدامات ایسے وقت میں کیے جا رہے ہیں جب برطانوی حکومت نے پاکستان کو اپنی ایئر سیفٹی لسٹ سے نکال دیا تھا، جس سے پاکستان کی ایئر لائنز کو برطانیہ کے لیے آپریشنز پر پابندی عائد ہوگئی تھی۔پی آئی اے انتظامیہ نے اس معاملے کو سنجیدگی سے لیتے ہوئے متعلقہ اداروں کے ساتھ فوری رابطے اور مشاورت کا آغاز کر دیا ہے تاکہ برطانوی فضائی حدود میں پروازوں کی بحالی کے لیے تمام ضروری تقاضے پورے کیے جا سکیں۔
