امریکی وزیر خارجہ مارکو روبیو نے اسرائیلی وزیر اعظم بنیامین نیتن یاہو کے ساتھ مشترکہ پریس کانفرنس میں صدر ڈونلڈ ٹرمپ کی جانب سے اسرائیل کے لیے غیر متزلزل حمایت کے عزم کا اظہار کیا۔
روبیو نے اپنے دورۂ اسرائیل میں کہا کہ غزہ کے عوام ایک بہتر مستقبل کے مستحق ہیں، لیکن یہ مستقبل تبھی ممکن ہے جب حماس کا خاتمہ ہو جائے۔وزیراعظم نیتن یاہو نے اس موقع پر روبیو کے دورے کو امریکا کی واضح حمایت کا ثبوت قرار دیا اور صدر ٹرمپ کو اسرائیل کا ”سب سے بڑا دوست“ قرار دیا۔روبیو نے مغربی ممالک کی جانب سے فلسطینی ریاست کو تسلیم کرنے کے منصوبوں پر تنقید کی اور کہا کہ ایسے اقدامات حماس کو مزید شہہ دیتے ہیں۔ ان کے مطابق، ملاقات میں غزہ سٹی پر اسرائیلی قبضے کے منصوبے اور مغربی کنارے کے کچھ حصوں کو ضم کرنے کے حکومتی عزائم پر بھی گفتگو ہوئی۔
امریکی وزیر خارجہ نے کہا کہ صدر ٹرمپ چاہتے ہیں کہ غزہ جنگ جلد از جلد ختم ہو، جس کے لیے حماس کے خطرے کا خاتمہ اور یرغمالیوں کی رہائی ناگزیر ہے۔انہوں نے قطر میں حماس رہنماؤں پر اسرائیلی حملے کے باعث مذاکرات میں آنے والی مشکلات کا اعتراف کیا، لیکن ساتھ ہی کہا کہ واشنگٹن اب بھی قطر کے تعمیری کردار کی حمایت کرتا ہے اور چاہتا ہے کہ قطر اس معاملے میں مثبت کردار ادا کرتا رہے۔
پریس کانفرنس کے چند گھنٹوں بعد غزہ میں اسرائیلی فضائی حملوں میں مزید 17 افراد جاں بحق ہو گئے، جن میں اکثریت غزہ سٹی کے شہریوں کی تھی۔حماس کے زیرانتظام وزارت صحت کے مطابق اسرائیلی حملوں میں اب تک 64 ہزار 800 سے زائد افراد مارے جا چکے ہیں، جن میں بڑی تعداد عام شہریوں کی ہے۔
انسانیت کے خلاف جرائم پر اسرائیل کوجوابدہ ہونا ہوگا، شہباز شریف
کراچی سیف سٹی : 1300 میں سے 891 کیمروں کی تنصیب مکمل
کراچی سیف سٹی : 1300 میں سے 891 کیمروں کی تنصیب مکمل
