واربرٹن (باغی ٹی وی،نامہ نگارعبدالغفار چوہدری)ٹی سی او میونسپل کمیٹی واربرٹن میاں مبین نے تجاوزات کرنے والے دکانداروں کے خلاف کارروائی کرتے ہوئے 5 دکانیں سیل اور 80 ہزار روپے جرمانہ عائد کیا۔
تفصیلات کے مطابق، ڈپٹی کمشنر ننکانہ تسلیم اختر راو کی ہدایت پر سی او میاں مبین نے اپنے عملے کے ہمراہ دکانوں کے باہر رکھے گئے کاؤنٹر اور دیگر سامان قبضے میں لے لیا۔
میونسپل کمیٹی کے سی او میاں مبین نے صحافیوں سے گفتگو میں کہا کہ پنجاب حکومت کے واضح احکامات ہیں کہ تجاوزات کرنے والے دکانداروں کے خلاف کارروائیاں جاری رکھی جائیں گی۔ انہوں نے مزید کہا کہ ہر دکاندار کو اپنی حدود کے اندر رہ کر کاروبار کرنا ہوگا اور دکان کے باہر سامان رکھ کر فروخت کرنا ہرگز اجازت نہیں دی جائے گی۔
