سری لنکن کرکٹ ٹیم کے منیجر نے تصدیق کی ہے کہ ٹیم کے کئی کھلاڑی واپس جانا چاہتے ہیں۔
ذرائع کے مطابق چیئرمین کرکٹ بورڈ اور وزیر داخلہ جلد سری لنکن ٹیم سے ملاقات کریں گے، جس میں سیکیورٹی انتظامات پر تفصیلی بریفنگ دی جائے گی۔خبر رساں ایجنسی کے مطابق سری لنکن ٹیم کے 8 کھلاڑی کل اپنے وطن روانہ ہوں گے، جبکہ پاکستان اور سری لنکا کے درمیان دوسرا ون ڈے میچ ری شیڈول کیے جانے کا امکان ہے۔ایجنسی نے یہ بھی بتایا کہ وطن واپس جانے والے کھلاڑیوں کی جگہ متبادل کھلاڑیوں کو پاکستان بھیجا جائے گا۔
اس سے قبل چیئرمین محسن نقوی نے سری لنکا کے ہائی کمشنر فریڈ سری ویراتنے سے ملاقات کے دوران کہا تھا کہ سری لنکن ٹیم کی فول پروف سیکیورٹی یقینی بنائی گئی ہے، اور مہمان کھلاڑی حکومت کے اسٹيٹ گیسٹ ہیں۔ ان کا کہنا تھا کہ کھلاڑیوں کو محفوظ ماحول فراہم کرنا حکومت کی اولین ترجیح ہے
ڈہرکی: گنے کی فصل تیار، کٹائی جاری، شوگر ملز کی خاموشی سے کسان پریشان
