پنجاب اسمبلی کے اسپیکر ملک احمد خان نے کہا ہے کہ اسمبلی میں ابھی مزید استعفے بھی سامنے آئیں گے، اور موجودہ کھینچا تانی دراصل چیف جسٹس کے منصب کے حصول کی وجہ سے بڑھ رہی ہے۔
لاہور میں ایک تقریب سے خطاب کرتے ہوئے انہوں نے کہا کہ عدالتی فیصلوں کے ذریعے پارلیمنٹ کے اختیارات محدود کرنے کی کوشش کی گئی، جس کے باعث پارلیمنٹ طویل عرصے تک اپنے حقوق کے حوالے سے کھل کر بات کرنے سے بھی گریزاں رہی۔ ان کے مطابق اب یہ صورتحال بدلنی چاہیے تاکہ ریاستی اداروں کے درمیان اختیارات کا توازن قائم ہو سکے۔ملک احمد خان نے اپنے خطاب میں نوجوانوں اور خواتین کی تعلیم پر بھی زور دیا۔ ان کا کہنا تھا کہ ملک کو ترقی کے لیے پڑھے لکھے نوجوانوں کی ضرورت ہے، جبکہ تعلیم یافتہ خواتین کسی بھی معاشرے کی مضبوط بنیاد ہوتی ہیں۔
انہوں نے کہا کہ بدلتے ہوئے دور میں بچیوں کی تعلیم کی اہمیت مزید بڑھ گئی ہے، اس لیے پرانے اور فرسودہ نظریات کو ترک کرنا وقت کی اہم ضرورت ہے
عدالتیں آئینی ہوں یا عمومی اصل مسئلہ انصاف ہے،تجزیہ:شہزاد قریشی
