روس کے صدر ولادی میر پوٹن اگلے ماہ 4 سے 5 دسمبر کو بھارت کا دورہ کر یں گے۔
صدر پیوٹن کے دورہ بھارت سے متعلق بھارتی سیکرٹری دفاع راجیش کمار نے کہا کہ پیوٹن کے اس دورے میں دفاعی معاملات پرکوئی بڑا اعلان متوقع نہیں مگر بھارتی حکومت روس کے ساتھ دفاعی تعاون کو آگے بڑھانے پر زور دے گی، بھارتی سیکرٹری دفاع نے کہا کہ دورے کےدوران ایس400 سسٹم پر بھی کوئی پیشرفت متوقع نہیں البتہ بھارتی حکومت روس سے ایس400 سسٹم کی ترسیل میں تاخیرپر وضاحت مانگے گی،راجیش کمار کا کہنا تھا کہ دورے کے دوران روسی صدر سے اضافی ایس 400 یونٹس کے آرڈر دینے پر بات ہوسکتی ہے کیونکہ ہماری توجہ ہتھیاروں کی فراہمی میں تاخیر کو حل کرنے پر ہے،بھارتی سیکرٹری دفاع نے مزید کہا کہ ہم زیرالتوا سپلائی کے لیے ٹائم لائنز حاصل کرنے پر بھی توجہ مرکوز کریں گے۔
