اے سی رائیونڈ کا پٹوار خانہ و اراضی ریکارڈ سنٹر اے سی آفس رائیونڈ کا دورہ

اے سی رائیونڈ کا پٹوار خانہ و اراضی ریکارڈ سنٹر اے سی آفس رائیونڈ کا دورہ، 3 پٹوار خانے پٹواریوں کی غیر موجودگی و پرائیویٹ افراد کی موجودگی پر سیل

لاہور ۔ 22 جولائی(اے پی پی )ڈی سی لاہور صالحہ سعید کی ہدایت پر اے سی رائیونڈ عدنان بدرنے پٹوار خانہ اور اراضی ریکارڈ سنٹر اے سی آفس رائیونڈ کا دورہ کیا ۔ انہوں نے 03 پٹوار خانہ کو پٹواریوں کی غیر موجودگی اور پرائیویٹ افراد کی موجودگی پر سیل کیا اور شفقت علی موضع رائے، محمد علی بچھے کی ماجا اور امجد پٹواری موضع لدھے کی نواں کے پٹوار خانہ (آفسز) کو سیل کردیا ۔ اے سی رائیونڈ نے ڈومیسائل برانچ، ڈائری برانچ اور دیگر برانچز کا جائزہ لیا اورپبلک فیڈ بیک لیا اور ڈائری کلرک کے غیر حاضر ہونے پر جواب طلبی کر لی گئی ۔ پبلک ٹوائلٹ صاف نہ تھے ۔ انہوں نے سینیٹری سٹاف کو وارننگ دی ۔ علاوہ ازیں انہوں نے دوران وزٹ اراضی ریکارڈ سنٹر سٹاف کی حاضری کو چیک کیا اور28کھیوٹ کے مسائل، 82 اراضی انتقال کے مسائل پائے گئے ۔ انہوں نے کہا کہ پبلک فیڈ بیک بھی لیا جو کہ تسلی بخش تھا ۔