ٹک ٹاکرنبیل عرف بھولا کیخلاف خاتون سے زیادتی کا مقدمہ درج

لاہور: معروف ٹک ٹاکر نبیل اکرم عرف بھولا ریکارڈ کے خلاف لڑکی سے مبینہ زیادتی کا مقدمہ درج ہوا ہے۔

ذرائع کے مطابق ٹک ٹاکر نبیل اکرم عرف بھولا ریکارڈ کے خلاف لڑکی سے زیادتی کا مقدمہ لاہور کے تھانہ غالب مارکیٹ میں درج کیا گیا۔پولیس کے مطابق ویڈیو شیئرنگ ایپلی کیشن ٹک ٹاک پر اپنی ویڈیوز کی وجہ سے شہرت رکھنے والے نبیل اکرم عرف بھولا ریکارڈ کے خلاف شائستہ طالب نامی خاتون نے زیادتی کا مقدمہ درج کروایا

مدعیہ نے درخواست میں مؤقف اختیار کیا کہ میرا نبیل اکرم عرف بھولا ریکارڈ سے ٹیلی فونک رابطہ تھا، ملزم نے گزشتہ روز مجھے نجی ہوٹل بلایا اور زیادتی کا نشانہ بنایا۔خاتون نے دعویٰ کیا کہ ٹک ٹاک اسٹار نے منہ بند نہ کرنے پر انہیں سنگین نتائج اور تصاویر و ویڈیوز وائرل کرنے کی دھمکیاں بھی دیں۔

مقدمے میں مدعیہ کا کہنا ہے کہ نبیل اکرم عرف بھولاریکارڈ سے ایک سال سے تعلق تھا،شائستہ طالب کہتی ہیں کہ وہ نبیل سے ہوٹل کےکمرے کے اندر جان چھڑانے کی بڑی کوشش کرتی رہیں لیکن نبیل نے اس سے زبردستی کرکے اس کی عزت تار تار کردی ہے ،

ہلٹن ہوٹل گلبرگ میں مشہور ٹک ٹوکر بھولا ریکارڈ کی جانب سے لڑکی کے ساتھ زیادتی کا معاملہ وزیر اعلی پنجاب سردار عثمان بزدار کی ہدایت پر چیئرپرسن پنجاب ویمن پروٹیکشن اتھارٹی فاطمہ چدھڑ نے نوٹس لے لیا،چیرپرسن نے سی سی پی او لاہور سے واقعہ کی رپورٹ طلب کرلی ،چیئرپرسن کے نوٹس پر پولیس نے بروقت کارروائی کرتے ہوئے تھانہ غالب مارکیٹ میں مقدمہ درج کر کے مشہور ٹک ٹوکر ملزم بھولا ریکارڈ کو گرفتار کرلیا ، چیئرپرسن نے سی سی پی او لاہور کو دوران تفتیش انصاف کے تمام تقاضے پورے کرنے اور متاثرہ لڑکی کو انصاف فراہم کرنے کی ہدایت جاری کر دی پولیس نے مزید تفتیش کے لیے کیس جینڈر سیل بھجوا دیا وزیر اعلی پنجاب کی ہدایت پر چیرپرسن کا متاثرہ لڑکی کے گھر والوں سے رابطہ انصاف فراہم کرنے کی یقین دہانی کروائی