fbpx

مرکزی امام بارگاہ گلستان زاہرا محلہ خواجگان میں انجمن غلامان اہلبیت رجسٹرڈ نارووال کے زیر اہتمام قدیمی سالانہ محفل مسالمہ کا انعقاد کیا گیا

نارووال(نمائندہ باغی ٹی وی)مرکزی امام بارگاہ گلستان زاہرا محلہ خواجگان میں انجمن غلامان اہلبیت رجسٹرڈ نارووال کے زیر اہتمام جگر گوشہ بتول سید الشہداء حضرت امام حسین علیہ السلام کے سلسلہ میں قدیمی سالانہ محفل مسالمہ کا انعقاد کیا گیا جس میں ضلع بھر کے نامور شعراء کے علاوہ اقلیتی ہندو رہنما رتن لال نے بھی شرکت کی۔

محفل مسالمہ کی نقابت معروف شاعر اصغر بھٹی نے کی جبکہ نامور شعراء سرور ارمان.شوکت علی آہو.سحر ارمان.غلام غوث.حکیم احمد نعیم ارشد.عمران علی حیدر و دیگر نے حضرت امام حسین علیہ السلام کی یاد میں اپنے کلام سے حاضرین میں سحر طاری کر دیا اور خوب پذیررائی حاصل کی۔اس موقع پر شعراء اور مقررین کا کہنا تھا کہ انجمن غلامان اہلبیت نے تمام مکاتب فکر کے رہنماوں کو مدعو کر کے اتحاد ویگانت امن محبت بھائی چارے کو فروغ دیا ہے-

یہی پیغام آنحضرت صلی للہ علیہ واآل وسلم ہمارے دین اسلام اور شہدائے کربلا کا ہے جسے عام کرنے کی ضرورت ہے۔محفل مسالمہ میں مقامی صحافی عثمان مغل. ہمایوں حفیظ. عارف راشد۔راحت ہاشمی اور معززین علاقہ بھی موجود تھے۔ بعد ازاں وسیع لنگر کا بھی انتظام کیا گیا تھا اور سیکیورٹی کے سخت انتظامات کئے گئے تھے۔

محمد عارف راشد باغی ٹی وی نارووال

Facebook Notice for EU! You need to login to view and post FB Comments!