اب پتا چلا کہ سندھ حکومت وفاق پر تنقید کے گولے کیوں برساتی ہے، کرونا کے حوالے سے اہم کیس نے پردہ فاش کردیا

0
37

لاڑکانہ: اب پتا چلا کہ سندھ حکومت وفاق پر تنقید کے گولے کیوں برساتی ہے، کرونا کے حوالے سے اہم کیس نے پردہ فاش کردیا ،اطلاعات کےمطابق سندھ کے شہر لاڑکانہ میں کرونا زدہ قرار دے کر خاتون کی تدفین کردی گئی، تدفین کے بعد خاتون کی رپورٹ منفی آگئی۔

ذرائع کے مطابق لاڑکانہ کے چانڈکا اسپتال میں خاتون کا زچگی کے دوران انتقال ہوا، اسپتال انتظامیہ کی جانب سے کرونا زدہ قرار دے کر تدفین کردی گئی بعد میں خاتون کی کرونا رپورٹ منفی آگئی۔ذرائع کا کہنا ہے کہ اسپتال انتظامیہ نے حاملہ خاتون کو پہلے ہی نزلہ، بخار کی علامات کے سبب کرونا مریض قرار دیا تھا، خاتون کے ہاں بچے کی پیدائش ہوئی، نومولود کی رپورٹ بھی منفی آگئی۔

ذرائع کے مطابق اسپتال انتظامیہ کی جانب سے خاتون کی بغیر غسل و کفن کے پلاسٹک میں لپیٹ کر تدفین کردی گئی، شوہر اور گھر والوں کو آخری دیدار تک نہ کرنے دیا گیا۔اسپتال انتظامیہ کا موقف ہے کہ خاتون کو احتیاطی تدابیر کے طور پر آئیسولیشن میں رکھا تھا، اگر خاتون کی رپورٹ پازیٹو آجاتی تو بہت سے لوگ کرونا سے متاثر ہوسکتے تھے۔

واضح رہے کہ اس سے قبل وزیراعلیٰ سندھ مراد علی شاہ نے کرونا وائرس کی صورت حال سے متعلق اپنے پیغام میں کہا تھا کہ سندھ حکومت نے کرونا وائرس کے کل 3534 ٹیسٹ کیے،صوبے میں 24 گھنٹوں کے دوران 453 نئے کیسز رپورٹ ہوئے۔مراد علی شاہ کا کہنا تھا کہ کرونا وائرس کے مریضوں کی تعداد 9093 ہے جبکہ 24 گھنٹوں میں مزید 14 افراد انتقال کر گئے جس کے بعد جاں بحق افراد کی تعداد 171 ہوگئی ہے۔

Leave a reply