fbpx

اسلام آباد:غیرت کے نام پر سفاک خاوند نے بیوی کو قتل کر دیا:ملزم فرار

اسلام آباد:تھانہ شالیمار کے علاؤہ بھیکہ سیداں سیکٹر ایف الیون فور میں گھریلو جھگڑے پر خاوند نے فائرنگ کرکے اپنی بیوی کو قتل کردیا اور موقع سے فرار ہوگیا۔ مقتولہ چار بچوں کی ماں تھی۔ پولیس نے واقعہ کا مقدمہ درج کرکے تفتیش شروع کردی ہے۔

پشاور: پولیس چوکی کے قریب بم دھماکہ ایک اہلکار شہید ،4 افراد زخمی

سرگودھا سے تعلق رکھنے والی اور بھیکہ سیداں ایف الیون فور کی رہائشی چار بیٹوں کی ماں آسیہ زوجہ سرفراز لوگوں کے گھروں میں کام کرتی تھی جبکہ اس کا خاوند سرفراز کپڑے کی فیکٹری میں ملازمت کرتا تھا۔ ہفتہ 14 جنوری 2023ء کی رات کو خاتون اپنے کام سے چھٹی کرکے گھر پہنچی تو اس کا خاوند ملزم سرفراز گھر پر موجود تھا۔ میاں بیوی میں جھگڑا ہوا تو اسی دوران ملزم نے فائرنگ کرکے خاتون کی جان لے لی اور موقع سے فرار ہوگیا۔ واقعہ کی اطلاع پر پولیس نے لاش قبضے میں لے کر پوسٹ مارٹم کے لئے پمز ہسپتال منتقل کرا دیا ہے۔

مری سانحہ،مذہبی جماعتیں ریسکیو ،رفاہی کام میں متحرک، ووٹ لینے والی جماعتیں غائب

پولیس کا کہنا ہے کہ ملزم اپنی بیوی کے کردار پر شک کرتا تھا۔وقوعہ کی رات اسی بات پر ان کے درمیان جھگڑا ہوا۔ جس پر ملزم نے تیس بور پسٹل سے فائرنگ کرکے اپنی بیوی کو قتل کر دیا۔ بتایا گیا ہے کہ مقتولہ چار بیٹوں کی ماں تھی۔ جن میں چودہ سالہ شاہد، گیارہ سالہ عادل، سات سالہ حنان اور پانچ سالہ حسن شامل ہیں۔ پولیس نے واقعہ کی تحقیقات شروع کردی ہے۔