fbpx

قلات کوٹھنڈی ہواوں کا تحفہ:پارہ ڈگری اور زیارت میں ایک ڈگری سینٹی گریڈ تک پہنچ گیا

کوئٹہ: بلوچستان کے دارالخلافہ کوئٹہ میں درجہ حرارت 6 ڈگری سینٹی ہوگیا جب کہ قلات میں دو ڈگری اور زیارت میں ایک ڈگری سینٹی گریڈ تک پنچ گیا۔

ذرائع کے مطابق محکمہ موسمیات نے بلوچستان کے مختلف شہروں میں موسم کی صورتحال پیش کردی۔ کوئٹہ میں درجہ حرارت چھ ڈگری سینٹی گریڈ تک پہنچ گیا، ژوب میں 8 ، بارکھان میں 10 ڈگری سینٹی گریڈ ریکارڈ کیا گیا۔

محکمہ موسمیات کے مطابق خضدار میں کم سے کم درجہ حرارت 14، لسبیلہ میں 16، تربت میں 21 ، پنجگور میں 14 ، دالبندین میں 14، نوکنڈی میں 16، قلات میں دو ڈگری، زیارت میں ایک ڈگری، اوڑمارہ میں 18، پسنی و گوادر اور جیونی میں کم سے کم 20 ڈگری سینٹی گریڈ ریکارڈ کیا گیا۔

محکمہ موسمیات نے کہا ہے کہ صوبے کے بیشتر اضلاع میں موسم خشک تاہم شمالی اضلاع میں سرد رہے گا۔

ادھرٹھنڈی ہواؤں نے کراچی کا موسم راتوں رات تبدیل کردیا۔ پیر 14 نومبر کی رات کراچی کا درجہ حرارت اکیس اعشاریہ پانچ ریکارڈ کیا گیا۔ محکمہ موسمیات کے مطابق سردی کی یہ لہر زیادہ طویل نہیں ہوگی۔

کراچی میں منگل 15 نومبر کی صبح شہری سرد موسم سے لطف اندوز ہونے کیلئے پارکس میں پہنچے۔ میٹ آفس کے مطابق چودہ اور پندرہ نومبر کی درمیانی شب چلنے والی ہواؤں نے شہر میں خنکی میں اضافہ کردیا ہے۔گزشتہ رات 14 نومبر کو کراچی کا کم از کم درجہ حرار ت اکیس اعشاریہ پانچ ڈگری سینٹی گریڈ ریکارڈ کیا گیا۔

محکمے کے مطابق ہلکی سردی کی یہ لہر صرف چند روز ہی برقرار رہے گی، کڑاکے کی سردی دسمبر میں ہی آئے گی۔ منگل 15 نومبر کو کراچی کا زیادہ سے زیادہ درجہ حرارت 31 سے 34 ڈگری جانے کا امکان ہے۔

محکمہ موسمیات نے آج سے موسم کی تبدیلی کی پیش گوئی کی تھی، جب کہ آج رات سے مسلسل درجہ حرارات میں کمی ریکارڈ کی جائے گی۔

ڈی جی میٹ سردارسرفراز کے مطابق گلگت بلتستان اور خیبرپختونخوا کے شمالی علاقوں میں انیس اور بیس کو بارش کے ساتھ سردی کی ایک اور ہلکی لہر آئے گی، جب کہ بلوچستان میں آئندہ چھ سے آٹھ ہفتوں کے دوران بارش کا امکان نہیں ہے۔

لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

 لگتا ہے لاپتہ افراد کے معاملے پر پولیس والوں کو کوئی دلچسپی نہیں

سندھ ہائیکورٹ کا تاریخی کارنامہ،62 لاپتہ افراد بازیاب کروا لئے،عدالت نے دیا بڑا حکم

انسان کی لاش مل جائے انسان کو تسلی ہوجاتی ہے،جبری گمشدگی کیس میں عدالت کے ریمارکس