جسےاللہ رکھے اسے کون چھکے !برفانی تودے میں 18 گھنٹے تک معجزاتی طور پر لڑکی زندہ

0
29

مظفرآباد: جسےاللہ رکھے اسے کون چھکے !برفانی تودے میں 18 گھنٹے تک معجزاتی طور پر لڑکی زندہ رہی ، اطلاعات کےمطابق آزاد کشمیر میں برفانی تودے تلے دبی 12 سالہ لڑکی کو 18 گھنٹے بعد زندہ نکال لیا گیا۔

خبررساں ادارے کے مطابق ثمینہ نامی 12 سالہ لڑکی کو ریسکیو ٹیموں نے 18 گھنٹے بعد برفانی تودے سے زندہ نکال کر مظفرآباد کے اسپتال منتقل کر دیا۔لڑکی نے بتایا کہ برفانی تودے میں دبے رہنے کے دوران زندہ بچ جانے کی آس لیے سوئی نہیں، ہاتھ ٹوٹ چکا تھا اور منہ سے خون نکل رہا تھا لیکن امیدوں نے دم نہیں توڑا تھا۔

ثمینہ نے کہا کہ شروع میں لگا کہ میں نہیں بچ پاؤں گی لیکن ہمت نہیں ہاری، چیخ و پکار کی اور مدد کے لیے آوازیں لگائی تو کسی نے سن لیں اور مدد کو آن پہنچے۔لڑکی کی والدہ شہناز کا کہنا ہے کہ ہمیں معجزے کی امید تھی اور ایسا ہی ہوا، میرے بھائی ارشاد کو بھی امید تھی کہ ثمنیہ کو زندہ بچا لیا جائے گا پھر قدرت نے معجزہ دکھایا اور بیٹی زندہ مل گئی۔

Leave a reply