fbpx

کراچی : باولے کتے کے کاٹنے سے 9 واں شہری جانبحق ہوگیا

کراچی:کتے کھلے عام پھر رہے ہیں اور ہر وقت جاگتے ہوئے شہریوں کو کاٹ رہے ہیں جبکہ محکمہ صحت والے سو رہے ہیں، کراچی کے جناح ہسپتال میں ریبیز کا شکار شخص جاں کی بازی ہار گیا۔ کتے کے کاٹنے کا یہ پہلا واقعہ نہیں درجنوں واقعات چند ہفتوں میں ہوئے ہیں لیکن سندھ حکومت اس معاملے میں‌بالکل بے فکر ہے .

تفصیلات کے مطابق سندھ کے سرکاری اسپتالوں میں اینٹی ریبیز ویکسین کا فقدان ہے پاگل کتے سے کاٹنے سے ایک اور شخص جان سے گیا، پچپن سالہ رجب علی کو دو ماہ قبل خیرپور میں پاگل کتے نے کاٹاتھا۔رجب علی کو چارروز قبل جناح اسپتال منتقل کیاگیا تھا۔جناح اسپتال کی ڈائریکٹر ڈاکٹر سیمی جمالی کا کہنا ہے کہ رواں سال پاگل کتے کے کاٹنے سے یہ نویں ہلاکت ہے۔