fbpx

کراچی کے علاقے صدر میں کوسٹ گارڈز کی گاڑی کے قریب دھماکا، ایک شخص جاں بحق

کراچی :ملک کے معاشی مرکز کراچی کے علاقے صدر میں دھماکے کے نتیجے میں متعدد افراد زخمی ہوگئے ہیں۔

ڈی آئی جی ساؤتھ کے مطابق دھماکےمیں ایک شخص جاں بحق ہوا ہے جبکہ 13 افراد کے زخمی ہونے کی اطلاعات ہیں۔ زخمیوں کو جناح اسپتال منتقل کیا گیا ہے۔

اسپتال ذرائع کے مطابق جاں بحق شخص کے جسم پر بال بیئرنگ کے زخم ملے ہیں جس سے یہ بات ثابت ہوتی ہے کہ یہ بم دھماکا تھا جس میں بال بیئرنگز استعمال کیے گئے۔

کراچی زور دار دھماکے سے لرز گیا۔ تفصیلات کے مطابق پاکستان کا سب سے بڑا شہر کراچی میں جمعرات کی شب کو زور دار دھماکہ ہوا ہے۔ رپورٹ کے مطابق شہر کے مصروف ترین علاقے صدر میں ہونے والے دھماکے کے بعد متعدد گاڑیاں تباہ ہو گئیں۔ دھماکے کے نتیجے میں کئی افراد زخمی بھی ہو گئے۔ دھماکہ صدر کے علاقے مرشد بازار کے قریب پڑے کچرے میں ہوا۔

دھماکہ اس وقت ہوا جب جائے وقوعہ کے قریب سیکورٹی فورس کی ایک گاڑی گزر رہی تھی، دھماکے میں اس گاڑی کو بھی نقصان پہنچا۔ پولیس کے حوالے سے بتایا گیا ہے کہ بظاہر دھماکے کا مقصد سیکورٹی فورس کی گاڑی کو نشانہ بنانا تھا۔

دھماکے کے بعد ریسکیو ٹیمیں، پولیس اور رینجرز کی بھاری نفری جائے وقوعہ پر پہنچ گئی۔ زخمیوں کو ہسپتال منتقل کیا جا رہا ہے، جبکہ علاقے کو گھیرے میں لے کر سیل کر دیا گیا ہے۔ بم ڈسپوزل اسکواڈ بھی دھماکے کی جگہ پر طلب کر لیا گیا ہے۔