شہباز گل کی ہسپتال سے نئی ویڈیو سامنے آ گئی

0
82

اسلام آباد:شہباز گل کی ہسپتال سے نئی ویڈیو سامنے آ گئی،اطلاعات کے مطابق پی ٹی آئی کے رہنما شہبازگل کی نئی ویڈیوپمز ہسپتال سے آگئی ہے اور یہ ویڈیوجیونیوز کے رپورٹرمرتضیٰ علی شاہ نے ٹویٹ کے ذریعے شیئر کی ہے

سماجی رابطے کی ویب سائٹ ٹویٹرپرمرتضٰی علی شاہ نے شیئر کرتے ہوئے کہا ہے کہ اس ویڈیو میں شہبازگل اپنے لیے کھانے کی درخواست کررہے ہیں ، اس ویڈیو میں شہبازگل کے کمرے میں پولیس والے بھی نظرآرہے ہیں ،ایک شخص کمرے میں داخل ہوتا ہے ، جسے دیکھتے ہی شہباز گل اپنے لیے فوری کھانے کی درخواست کرتے ہیں

 

یاد رہے کہ اس سے پہلے کل مریم اورنگزیب نے پمزہسپتال سے شہبازگل کی تصاویراور ویڈیوشیئر کی تھی اورکہا تھا کہ شہبازگل اب صحت مند نظرآرہے ہیں

وفاقی وزیر اطلاعات مریم اورنگزیب نے کل پریس کانفرنس میں پی ٹی آئی کے گرفتار رہنما شہباز گل کی تازہ ویڈیو چلائی تھی جس میں وہ ہٹے کٹے نظر آرہے ہیں۔

 

شہبا گل نے عمران خان کے کہنے پرہی بیان دیا، مقدمے سےتوجہ ہٹانے کیلئے پروپیگنڈا

وزیر اطلاعات نے شہبازگل پر تشدد کی تردید کرتے ہوئے کہا تھا شہبازگل سے منسوب سوشل میڈیا پر چلنے والی ویڈیو چکوال کے ریپسٹ کی ہے، مقدمے سے توجہ ہٹانے کیلئے پروپیگنڈا کیا جا رہا ہے۔

مریم اورنگزیب نے کہا کہ شہبازگل پر تشدد نہيں ہوا، مقدمے سے توجہ ہٹانے کے لئے پروپیگنڈا کیا جارہا ہے، انہوں نے شہبازگل کی اپنی پریس کانفرنس سے ایک گھنٹہ قبل کی ویڈیو جاری کردی۔

مریم اونگزیب نے کہا ویڈیو میں ںظر آنے والے ہشاش بشاش شہبازگل کا ماسک کہاں گیا، شہباز گل کتابیں پڑھ رہے ہیں، چہل قدمی اور پولیس سے گفتگو کر رہے ہیں۔

 

ایف آئی اے کو عمران خان کو گرفتار کرنا چاہیئے،مریم اورنگزیب

مریم اورنگزیب نے کہا عمران خان اصل حقیقت سے توجہ ہٹانا چاہتے ہیں، شہباز گل کے خلاف مقدمہ قانون کے مطابق بنا جس کی تحقیقات جاری ہیں۔وزیر اطلاعات نے کہاتھا پی ٹی آئی کا اصل مقصد کہانی کو بدل دینا ہے، کہانی کے تانے بانے عمران خان سے ملتے ہیں۔

Leave a reply