موت کاایک وقت مقررہے:عمرے پرجانےوالاپاکستانی شہری دومنٹ دل کی دھڑکن بند ہونےکےباجود بچ گیا

0
34

ریاض:موت کا وقت مقرر ہے ، نہ وقت سے پہلے اور نہ ہی وقت کے بعد موت آتی ہے،اللہ کی نشانیاں بھی اس وقت مقرر پر مہرثابت کرتی ہیں ، اسی سلسلے میں ایک ایسا واقعہ سامنے آیا ہے جس میں سعودی طبی عملے نے دل کی دھڑکن بند ہونے والے پاکستانی شہری کی جان بچا گئی۔غیر ملکی خبررساں ادارے کے مطابق مکہ مکرمہ میں مناسک عمرہ کے دوران پاکستانی شہری کے دل کی دھڑکن دو منٹ تک بند رہی، لیکن معجزانہ طور پر وہ زندہ رہا۔

حرم مکی کے ہلال احمر نے بتایا کہ نماز جمعہ کی ادائیگی کے دوران اطلاع ملی کہ ایک 40 سالہ پاکستنای زائر کو سینے میں شدید درد کی شکایت ہے، اطلاع ملنے پر قریب ترین ٹیم مریض کے پاکستان پہنچی اور ابتدائی طبی امداد فراہم کی۔

ہلال احمر کے مطابق عمرہ زائر کے دل کے وال بند ہوگئے تھے جس سے ان کے خون کا بہاؤ رک گیا اور دل کی حرکت بھی بند ہوگئی، جس پر ٹیم نے سب سے پہلے زائر کی سانس کی بحالی کے لیے حرم کے مختلف حصوں میں موجود اے ای ڈی آلے کو استعمال کیا، اور اس کی سانس بحال کی اور پھر اسے مسجد الحرام کے اندر ہی واقع اجیاد اسپتال منتقل کردیا گیا جہاں ڈاکٹرز نے ان کا طبی معائنہ کیا۔

ہلال احمر نے بتایا کہ ابتدائی طبی امداد کے بعد پاکستانی شہری کو مکہ کے شاہ عبداللہ میڈیکل سٹی منتقل کیا گیا، جہاں ان کا کامیاب آپریشن کیا گیا، اور مکمل صحت یات ہونے تک اسپتال میں ہی رکھا گیا۔

ہلال احمر کے مطابق پاکستانی شہری کی جان بچانے میں سب سے اہم کردار سانس کی بحالی کے لیے حرم میں نصب اے ای ڈی آلہ ہے، جسے ہلال احمر نے حرم انتظامیہ کے تعاون سے متعدد جگہوں پر نصب کر رکھا ہے۔

عمران خان کے صاحبزادوں قاسم اور سلیمان کی زمان پارک آمد 

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

Leave a reply