تیزرفتاری خطرہ جان : کلمہ چوک پر تیز رفتار مزدے نے میاں بیوی کو کچل ڈالا

0
36

لاہور: کلمہ چوک پر تیز رفتار مزدے نے میاں بیوی کو کچل ڈالا صوبائی دارالحکومت میں آئے روز حادثات کے واقعات میں اضافہ دیکھا جارہا ہے جس کی وجہ قیمتی جانوں کا ضیاع ہورہا ہے.کلمہ چوک پر تیز رفتار مزدے نے موٹر سائیکل سوار میاں بیوی کو کچل ڈالا،50 سالہ رخسانہ نامی خاتون موقع پر جاں بحق ہو گئی, شوہر شدید زخمی حالت میں ہسپتال منتقل، حادثے کا ذمہ دار موقع سے فرار.

تفصیلات کے مطابق حادثے میں خاتون جاں بحق ہوگئی جبکہ اس کا شوہر شدید زخمی ہوگیا، خاتون کی شناخت رخسانہ اقبال کے نام سے ہوئی ہے جبکہ اس کے شوہر 55 سالہ محمد اقبال کو طبی امداد کے لیے جنرل اسپتال منتقل کر دیا گیا ہے۔ حادثے کے بعد مزدا ڈرائیور موقع سے فرار ہو گیا، پولیس نے جائے حادثہ سے شواہد اکھٹے کر لیے اور مزدا ڈرائیور کی تلاش شروع کردی۔

اس سے قبل مانگامنڈی میں تیزرفتار کیری ڈبہ ٹائر پھٹنے سے بے قابو ہو کر ٹریلر سے ٹکرا گیا جس کے باعث ایک مزدور موقع پر جاں بحق ہوگیا اور 6 افراد شدید زخمی ہوگئے تھے، ریسکیو اہلکاروں نے زخمیوں کو جناح ہسپتال منتقل کردیا تھا اور جاں بحق مزدور کی شناخت رمضان کے نام سے ہوئی جو کہ شامکے بھٹیاں کا رہائشی تھا۔

Leave a reply