fbpx

رات کے اندھیرے میں بل پاس کرائے گئے،شاہد خاقان عباسی

ہم تو پوری رات بیٹھنے کو تیار تھے، شاہد خاقان عباسی
باغی ٹی وی کی رپورٹ کے مطابق مسلم لیگ ن کے رہنما ، سابق وزیراعظم شاہد خاقان عباسی نے کہا ہے کہ کل عوام پر 700 ارب روپے سالانہ کا بوجھ ڈالا گیا،

شاہد خاقان عباسی کا کہنا تھا کہ عوام کے نمائندوں کو اس پر بات کرنے کی بھی اجازت نہ دی گئی، رات کے اندھیرے میں بل پاس کرائے گئے،اسٹیٹ بینک کا بل پاکستان کی تاریخ کا سب سے خطرناک بل ہے،ہم اپنی معیشت کی چابی آئی ایم ایف کے حوالے کر رہے ہیں،رات کے 11بجے یہ بل پاس کروایا گیا، اس پر رائے نہیں لی گئی،ہر وزیر یہ کہتا ہے کہ ہم آئی ایم ایف کے ہاتھوں مجبور ہیں، اگر آپ مجبور ہیں تو ہمیں بات تو کرنے دیں،وہاں وہ لوگ بیٹھے ہوں گے جن کا عوام سے کوئی تعلق نہیں ہے، انہیں آئین و قانون کی پروا نہیں ہے،یہ سب اس وقت ہوا جب ملک کا وزیراعظم ایوان میں بیٹھا ہوا تھا،ہم تو بحث کیلئے پوری رات بیٹھنے کو تیار تھے،کم از کم اس بل پر بحث تو ہونی چاہیے تھی

ن لیگی رہنما خرم دستگیر کا کہنا تھا کہ کل ایوان میں پاس ہونے والا بل محنت کشوں، مزدورں کا قتل نامہ تھا، کل عمران خان نے ان کے گلے ہی کاٹ دیئے، پاکستان میں غریبوں کیلئے 20 فیصد مہنگائی ہے،کل اسٹیٹ بینک غلام بینک بن گیا،کل حکومت نے اپنی خودکشی کے کاغذات پر دستخط کئے،

سابق وزیر خزانہ، ن لیگی رہنما مفتاح اسماعیل کا کہنا تھا کہ حکومت کا 2 ارب روپے کے ٹیکس بڑھنے کا دعویٰ غلط ہے،180ارب روپے کی قسط کیلئے آپ نے 6 ماہ میں 350 ارب روپے کا ٹیکس لگا دیا،

قبل ازیں قومی اسمبلی میں ن لیگی رہنما خواجہ آصف کا کہنا تھا کہ کل جو حکومت کا رویہ تھا یا جو رویہ چیئر کا تھا کیا وہ احترام کے قابل تھا ؟کل وفاقی وزیر شبلی فراز نے ابھی اپنا بل پیش نہیں کیا تھا جسے منظور کرا لیا گیا یہ چیئر خود اپنا احترام نہیں کرا رہی ہے، ہمیں ایک دوسرے کا احترام خود کرنا ہے ہم نے ہی ایک دوسرے کا احترام کرنا ہے کیونکہ کوئی فرشتے نہیں اترتے جو آکر احترام کرینگے 32 سال میں کبھی ایسا رویہ نہیں دیکھا جو کل سپیکر اور ڈپٹی سپیکر نے اپنایا ،مشرف دور آمریت میں بھی ایسا رویہ نہیں دیکھا تھا جو گزشتہ روز ہوا ،آج بھی اس چیئر کا احترام ہے اور آئندہ بھی کرتے رہیں گے ،کل تمام روایات کو پامال کردیا گیا ہے، کچھ روایات ایسی بنائی جارہی ہیں جو شرمسار کردیتی ہیں ،جو قانون سازی کل کی گئی اس میں کون سی ایمرجنسی تھی؟ وہ آج بھی ہوسکتا تھا پیر کو بھی ہوسکتا تھا ،آپ نے تو کہا تھا سو ارب ڈالر اس کے منہ پر اور سو ارب دوسرے کے منہ پر ماریں گے ،آپ نے تو اسٹیٹ بینک آف پاکستان کو آئی ایم ایف کے منہ پر مار دیا ،آپ نے کل سرنڈر کردیا ہے ، ڈھاکہ سے بڑا سرنڈر کل کردیا گیا، یہ وطن فروشی کل کی گئی ،کل آپ چیئر پر بیٹھے تھے، آپ کی زیر صدارت وطن فروشی ہوئی ہے ،اختر مینگل بلوچستان کے حقوق کی بات کررہاتھا مگر آپ چیئر پر بیٹھ کر وفاداریاں بیچ رہے ہیں ،تاریخ کبھی معاف نہیں کرے گی، تاریخ ان جعلی حکمرانوں کو کبھی معاف نہیں کرے گی

قبل ازیں ن لیگ کی ترجمان مریم اورنگزیب کا کہنا تھا کہ عمران خان کے جھوٹ کی گواہی22کروڑ عوام دے رہے ہیں عوام معاشی تباہی ، بے روزگاری اور مہنگائی برپا کرنے والوں کو پہچان چکی عوام ملک کی معاشی سالمیت اور خودمختاری کو آئی ایم ایف کے حوالے کرنے والوں کوپہچان چکی کس نے کہا تھا کہ ایک کروڑ نوکری اور پچاس لاکھ گھر دیں گے ؟کس نے کہا تھا کہ خود کشی کر لوں گا آئی ایم ایف نہیں جاوں گا جھوٹ بولنے والے عوام کو چہرہ دکھانے کے قابل نہیں رہے، ملک پر مہنگائی کی قیامت نازل کرنے والوں کو قوم پہچان چکی ہے، عام انتخابات پی ٹی آئی کا آخری انتخاب ثابت ہوگا،

قبل ازیں ن لیگ پنجاب کی ترجمان عظمیٰ بخاری نے کہا ہے کہ سانحہ مری میں قیمتی جانوں کا ضیاع حکومتی نااہلی ہے، سانحہ مری کے لواحقین سے تعزیت کا اظہارکرتی ہوں ،پہلے پاکستان کے عوام مہنگائی کی وجہ سے پریشان تھے اب پنجاب کے لوگ اپنی جانیں دے رہے ہیں برف باری سے نہیں ان کی غلط پالیسیوں کی وجہ سے اموات ہوئیں شہباز شریف برف باری سے پہلے ہی تمام حفاظتی اقدامات کیے ہوتے تھے، 3میٹنگز ہوئیں لیکن عثمان بزدار ایک بھی میٹنگ میں شامل نہیں ہوئے،ان کی رپورٹ کے مطابق 820 گاڑیں پھنسی ہیں محکمہ موسمیات نے کہا کے معمول کی برف باری ہوئی،ایسے حکمرانوں کے لیے 23 لوگوں کا مر جانا کوئی بات نہیں ایک گھر سے 8 جنازے نکلے ان کا درد نہیں سمجھا جا سکتا،

@MumtaazAwan

بلاول میرا بھائی کہنے کے باوجود مریم بلاول سے ناراض ہو گئیں،وجہ کیا؟

ندیم بابر کو ہٹانا نہیں بلکہ عمران خان کے ساتھ جیل میں ڈالنا چاہئے، مریم اورنگزیب

ن لیگ بڑی سیاسی جماعت لیکن بچوں کے حوالہ، دھینگا مشتی چھوڑیں اور آگے بڑھیں، وفاقی وزیر کا مشورہ

 سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

سب مان گئے، اب ہو گی ان ہاؤس تبدیلی، پہلے جائے گا کون؟ فیصلہ ہو گیا

اور حکومت شہباز شریف کے آگے جھک گئی،مدد مانگ لی

ان ہاؤس تبدیلی نہیں بلکہ نئے انتخابات، مولانا فضل الرحمان کا بلاول کو مشورہ

ان ہاؤس تبدیلی، اہم شخصیت حکومتی اراکین کی فہرست لے کر نواز شریف سے ملنے پہنچ گئی

شیخ رشید کی نواز شریف کو آفر، پی ڈی ایم سے تاریخ بدلنے کی اپیل

نواز شریف کی واپسی، شہباز شریف نے بڑا اعلان کر دیا

عمران خان اگلے ماہ جا رہے ،نواز شریف آنا چاہتا ہے تو آ جائے، شیخ رشید

Facebook Notice for EU! You need to login to view and post FB Comments!