fbpx

عالمی ادارے کی رینکنگ میں پنجاب یونیورسٹی دنیا کی 1000 بہترین جامعات میں شامل

لاہور: پنجاب یونیورسٹی دنیا کی 1000 بہترین جامعات میں شامل-

باغی ٹی وی : نجی خبر رساں ادارے جنگ کی رپورٹ کے مطابق جامعات کی عالمی رینکنگ کرنے والے ادارے کیو ایس نے اپنی نئی رینکنگ میں پنجاب یونیورسٹی کو بھی شامل کرلیا ہے-

کیو ایس کی جانب سے جاری رینکنگ میں پنجاب یونیورسٹی کودنیا کی 1000 بہترین جامعات میں شامل کیا گیا ہے۔

پنجاب یونیورسٹی کے وائس چانسلر ڈاکٹر نیاز احمد کا کہنا ہے کہ 3 سال کے مختصر عرصے میں جامعہ پنجاب کی رینکنگ میں 16 فیصد ترقی ہوئی، 2 سال میں پنجاب یونیورسٹی کی ایشیائی رینکنگ میں 39 درجے بہتری ہوئی۔

رپورٹ کے مطابق پنجاب یونیورسٹی کے وائس چانسلر نے کہا کہ 1869 میں قائم ہونےوالےنیچر پبلشنگ نےنیچرل سائنسز میں جامعہ پنجاب کو پاکستان میں نمبر ایک قرار دیا، گڈ گورننس، تحقیق کے فروغ کے باعث پنجاب یونیورسٹی کی عالمی رینکنگ ہرسال بہتر ہو رہی ہے۔

ڈاکٹر نیاز احمد نے کہا کہ پنجاب یونیورسٹی کی تاریخ میں پہلی مرتبہ 13 مضامین عالمی رینکنگ میں شمار ہوئے، پنجاب یونیورسٹی کا شعبہ پیٹرولیم انجینئرنگ دنیا کے 150 بہترین اداروں میں شامل ہے۔

جواب چھوڑیں

آپ کا ای میل ایڈریس شائع نہیں کیا جائے گا.