عالمی مارکیٹ میں خام تیل کی قیمتیں بڑھ گئیں
روس اور ایران پر مزید پابندیوں کے باعث عالمی منڈی میں تیل کی قیمتوں میں مزید اضافہ ہوا ہے۔
میڈیا رپورٹس کے مطابق برینٹ کروڈ کے سودے 2.23 ڈالر یعنی 2.9 کے اضافے کے ساتھ 79.15 ڈالر فی بیرل تک پہنچ گئے جو تین ماہ کی بلند ترین سطح ہے۔ امریکی ویسٹ ٹیکساس انٹرمیڈیٹ (ڈبلیو ٹی آئی) کروڈ کے سودے 2.19 ڈالر یعنی 2.96 کے اضافے کے ساتھ 76.11 ڈالر تک پہنچ گئے۔سیکسو بینک میں کموڈٹی اسٹریٹجی کے سربراہ اولے ہینسن نے کہا کہ آج کئی عوامل کارفرما ہیں، طویل مدتی طور پر مارکیٹ اضافی پابندیوں کے امکانات پر مرکوز ہے۔ مختصر مدت میں، امریکہ بھر میں موسم بہت سرد ہے، جس کی وجہ سے ایندھن کی طلب میں اضافہ ہو رہا ہے۔امریکی صدر منتخب ڈونلڈ ٹرمپ کی 20 جنوری کو حلف برداری سے قبل، ایران اور روس پر سخت پابندیوں کے نتیجے میں ممکنہ فراہمی کی رکاوٹوں کے بارے میں خدشات بڑھ رہے ہیں جب کہ تیل کے ذخائر کم ہیں۔
ٹیلی کام سیکٹر میں بہتری، پراجیکٹ کیبل 2 افریقا کا آغاز
