fbpx

آمر مٹ جاتے ہیں تاریخ انہیں کبھی معاف نہیں کرتی آصف علی زرداری

پیپلز پارٹی کے شریک چیئرمین اور سابق صدر آصف علی زرداری نے کہا ہے کہ آمر مٹ جاتے ہیں تاریخ انہیں کبھی معاف نہیں کرتی-

باغی ٹی وی :سابق صدر آصف علی زرداری کا کہنا ہے کہ آمر مٹ جاتے ہیں تاریخ انہیں کبھی معاف نہیں کرتی۔ پارلیمنٹ کو بے توقیر کرنا جمہوریت سے انتقام ہے جمہوریت کے لیے ہماری جدوجہد ابھی ختم نہیں ہوئی ہم جمہوریت کے لئے لڑتے رہیں گے-

دوسری جانب پیپلز پارٹی کی سینیٹر شیری رحمان نے کہا ہے کہ 5 جولائی 1977 کو ضیاء الحق نے عوامی اور جمہوری حکومت ختم کی۔ 44 سال پہلے ہوئے سانحہ کے اثرات سے ملک آج تک نہیں نکل سکا۔

شیری رحمان کا کہنا تھا کہ 5 جولائی 1977 کو عوامی حکومت کا خاتمہ نہ ہوتا تو آج ملک کی سمت مختلف ہوتی۔

بلاول بھٹو کا کہنا ہے کہ ہم آج بھی پاکستان کی جمہوری بقا کے لیے لڑ رہے ہیں-ذوالفقاربھٹوکواذیتیں دینے والے ملامت جھیلنے کے لیے کوڑے دان میں پڑے ہیں جمہوری اور آمریت پسند قوتوں کے درمیان جنگ آج بھی جاری ہے-

بلاول کا کہنا تھا کہ ذوالفقار بھٹو نے ملک و قوم کے حقوق پر سمجھوتہ نہیں کیااور جان نچھاور کرنے کو ترجیح دی ذوالفقار بھٹو نے کہا تھا کہ اقتدار عوام کو دیا جائے،ورنہ سب کچھ ختم ہو جائے گا ذوالفقار بھٹو کے حامی اور پیروکاروں کو بھی ہر قسم کے تشدد کا نشانہ بنایا گیا-

ذوالفقار بھٹو نے اتفاقِ رائے سے آئین کی منظوری کی سرپرستی کی اور سقوط ڈھاکہ کے بعد ٹکروں میں بٹی ہوئی قوم کو متحد کیا 5جولائی 1977کی بغاوت نے دہشت گردی کے بیج بوئے 5جولائی کو ملکی تاریخ میں ہمیشہ سیاہ ترین دن کے طور پر یاد کیا جائے گا-

5جولائی 1977کی بغاوت نے دہشت گردی کے بیج بوئے،یہ ملکی تاریخ میں ہمیشہ سیاہ ترین دن کے طور پر یاد کیا جائے گا بلاول بھٹو