ڈاکٹر عامر لیاقت حسین کی طبیعت بگڑ گئی
باغی ٹی وی : تحریک انصاف کے رکن قومی اسمبلی عامر لیاقت حسین کی کورونا کے باعث طبعیت بگڑ گئی
عامر لیاقت کو شدید کھانسی اور سانس لینے میں دشواری کا سامناہے .ہل خانہ کے مطابق طبیعت بگڑنے پر عامر لیاقت حسین کو نجی اسپتال منتقل کردیا گیا ہے۔
واضح رہے کہ گزشتہ دنوں پی ٹی آئی رہنما عامر لیاقت حسین کورونا وائرس میں مبتلا ہوگئے تھے اور گھر میں قرنطینہ تھے۔ کورونا سے متاثرپی ٹی آئی کے ایم این اے ڈاکٹر عامر لیاقت اور ان کی دوسری اہلیہ نجی ہسپتال میں زیرعلاج ہیں ،انہوں نے سوشل میڈیا پر اپنی تصاویرشیئر کی ہیں جس میں دیکھا جا سکتا ہے انہیں ڈرپ اور نیو بلائزر لگا ہواہے اور وہ چہرے سے کمزور بھی دکھائی دے رہے ہیں ۔انہوں نے کہاکہ ہاتھ جوڑ کر دعاؤں کی گذارش ہے کیونکہ میں کورونا سے لڑ نہیں رہاہوں پناہ مانگ رہا ہوں۔
یاد رہے کہ گزشتہ دنوں سابق وزیراعظم راجا پرویز اشرف کورونا وائرس میں مبتلا ہوگئے تھے۔اس سے قبل چیئرمین این ڈی ایم اے لیفٹیننٹ جنرل محمد افضل کا کرونا ٹیسٹ مثبت آیا تھا، ٹوئٹر پر این ڈی ایم اے کی جانب سے جاری بیان میں کہا گیا تھا کہ چیئرمین این ڈی ایم اے 9 نومبر سے قرنطینہ میں ہیں اور گھر سےاپنی ذمہ داریاں سر انجام دے رہے ہیں۔
خیال رہے کہ پاکستان میں جان لیوا کرونا وائرس کی دوسری لہر اب تک ہزاروں افراد کو اپنی لپیٹ میں لے چکی ہے، جن میں ملک کی نامور سیاسی، سماجی و شوبز شخصیات بھی شامل ہیں۔
Leave a reply
